सरकारले निजामती कर्मचारीहरुको उमेर हद ६० बर्ष बनाउने तयारी गरेको छ । लामो समयदेखि अलपत्र परेर हाल संघीय मामिला तथा सामान्य प्रशासनबाट अर्थ हुँदै कानुन मन्त्रालयमा पुगेको संघीय निजामती सेवा ऐनमा कर्मचारीको उमेर हद ५८ बाट बढाएर ६० बनाउन लागिएको हो । अहिले स्वास्थ्य सेवाको कर्मचारीको उमेर हद ६० बर्ष कायम रहेको छ भने निजामती सेवाको कर्मचारीको उमेर हद ५८ रहेको छ ।

Advertisement 1

जस्मा दुई बर्ष बढाएर ६० कायम गर्न लागेको हो । संघीय निजामती ऐन, २०४९ को संशोधन विधेयकमा ५८ वर्षे सेवा अवधिलाई बढाएर ६० वर्षे बनाउन खोजिएको हो । विधेयकको मस्यौदा सहमतिका लागि अर्थबाट कानुनमा पुगेको छ ।

मस्यौदामा ऐन भएपछि ५८ वर्षको सेवा अवधि दुई वर्षका लागि ५९ कायम हुने र त्यसपछि बढाएर ६० बनाइनेछ । स्वास्थ्य र निजामती सेवालाई एकीकरण गरेर सरकारले एउटै संघीय निजामती कानुन बनाउन लागेको हो ।

Advertisement 2

यस अघि २०४९ सालमा ६० वर्षे उमेद हद एकाएक ५८ वर्षमा झारिएको थियो। सेवा अवधि ३० वर्ष बनाइएको थियो भने २० वर्षे अवधि लगाएर ३ हजार २ सय कर्मचारीको जागिर खोसिएको थियो।