शिक्षण अनुमति पत्र (लाइसेन्स) को परीक्षामा अबदेखि बस्तुगत प्रश्न मात्रै सोधिने भएको छ।यसअघि ४० प्रतिशत बस्तुगत र ६० प्रतिशत विषयगत प्रश्न सोधिने गरिएकोमा पाठ्यक्रम परिवर्तन गर्ने निर्णय भएको छ।

Advertisement 1

आयोगका अध्यक्ष मधुप्रसाद रेग्मीले पाठ्यक्रम परिवर्तन भइरहेकाले के गर्दा परीक्षा व्यवस्थित र मर्यादित हुन्छ भन्ने विषयमा अध्ययन गरिरहेको बताए। उनले भने, ‘पाठ्यक्रम परिवर्तन गर्ने विषयमा गृहकार्य भइरहेको छ। यसलाई व्यवस्थित बनाउँदै लैजानुपर्छ। केही समयभित्रै यसको प्रतिवेदन तयार भएर लागू भएपछि अभ्यासमा जान्छ।’

परीक्षाफल छिटो आउने भएकोले बस्तुगत प्रश्न मात्रै सोध्ने निर्णय गरिएको आयोगका पदाधिकारी बताउँछन्। उनीहरूका अनुसार ओएमआर पद्धतिबाट प्रश्नपत्र जाँच गर्दा परीक्षाफल निकाल्न सजिलो र छिटो हुन्छ। आयोगले खुला प्रतियोगितामार्फत चैत १५ गते माध्यमिक तृतीय श्रेणी, चैत १७ गते निम्न माध्यमिक तृतीय श्रेणी र चैत १९ गते प्राथमिक तृतीय श्रेणीको परीक्षा सञ्चालन गर्ने र चैत २१ गते तीन वटै तहको आन्तरिक प्रतियोगितात्मक बढुवा ९२५ प्रतिशत०को परीक्षा सञ्चालन गर्ने तयारी गरेको छ।यो पाठ्यक्रम चैत २ पछि हुने परीक्षामा लागू हुने पनि आयोगले जनाएको छ।