गृह मन्त्रालयले १३ उपसचिवहरुको सरुवा गरेको छ । गृहले श्रीधर केसीलाई साहायक प्रमुख जिल्ला अधिकारीको रुपमा सुर्खेतमा खटाएको छ भने लक्ष्मण ढकाललाई कारागार व्यवस्थापन विभागमा पठाएको छ । यस्तै मोहनप्रसाद अर्याल इलाका प्रशासन कार्यालय बारा पठाइएका छन् । केही अघि दोलखाबाट तानिएका वाशुदेव घिमिरेलाई राष्ट्रिय विपद् जोखिम न्यूनीकरण तथा व्यवस्थापन प्राधिकरणमा खटाइएको छ ।
गृहले ललितपुरका सहायक सीडीओ ललितकुमार बस्नेतलाई गृहमातहतको  राष्ट्रिय परिचय पत्र तथा पञ्जिकरण विभागमा खटाएर ललितपुरमा त्यहाँ हरि पन्तलाई खटाएको छ ।

Advertisement 1

गृहका कर्मचारी प्रशासनले बस्नेतलाई यस अघि नै ललितपुरबाट तान्न खोजेको थियो । गृहका कप्र महाशाखा प्रमुख सुनिल खनालले यस अघि नै बस्नेतलाई तानेर त्यहाँ आफ्नो धर्मपत्नी सुप्रभा खनाललाई खटाउन खोजेका थिए तर सो प्रयास सफल हुन नसकेपछि सुप्रभालाई काठमाडौंको सहायक सिडिओ बनाएका थिए ।

यस्तै सरुवाको सूची अनुसार, कल्पना घिमिरेलाई राष्ट्रिय विपद् जोखिम न्यूनीकरण तथा व्यवस्थापन प्राधिकरणमा पठाइएको छ भने जेलर नारायण पाण्डे इलाका प्रशासन कार्यालय चन्द्रौटामा पठाइएको छ । रसुवाको सिडिओबाट तानिएका इश्वरीप्रसाद ढकाललाई कास्कीको सहायक सीडिओ बनाएर खटाइएको छ । यस्तै अर्काे उपसचिव विष्णु पौडेललाई बाँकेको सहायक सीडिओको रुपमा खटेका छन् ।रसुवाकै जिल्ला समन्वय समितिबाट गृहमा तानिएकी मिना अर्याललाई राष्ट्रिय परिचय पत्र तथा पञ्जिकरण विभागमा पठाइने भएको छ ।

Advertisement 2

यस्तै गृहका उपसचिव सागर शाहलाई कसुरजन्य सम्पत्ति व्यवस्थापन विभाग र इलाका प्रशासन कार्यालय उर्लाबारीका उपसचिव श्रवणकुमार पोखरेललाई कारागार व्यवस्थापन विभागमा पठाएको छ ।