नेपाल वायुसेवा निगमलाई निगमलाई निजीकरण गर्ने प्रस्तावविरुद्ध कर्मचारीले गरेको आन्दोलन गर्दा प्रहरीको ठाडो हस्तक्षेप गरेको भन्‍दै उनीहरूले विरोध जनाएका हुन् ।

Advertisement 1

कर्मचारीहरूले प्रबन्धक डिमप्रसाद पौडेलको राजीनामा समेत माग राखेका छन् । आन्दोलनमा सहभागी एक कर्मचारीले प्रबन्धक पौडेलले हवाई माफियासँग गोप्य योजना बनाई निगमभित्रै चलखेल गरेको बताए । निगमलाई निजीकरण गर्ने प्रस्तावप्रति कर्मचारीहरू ६ दिनदेखी आन्दोलनरत छन् । सञ्‍चालक समितिले हवाई माफियासँग मिलेर निगममा बाहिरी हस्तक्षेप गर्ने योजना बनाएको आरोप लगाउँदै करिब १५ सय कर्मचारीहरू आन्दोलनमा उत्रिएका हुन् । निगमलाई खतम पार्न लागेको र हवाई माफियाको इशारामा निजीकरण गर्न लागिएका भन्दै कर्मचारी आन्दोलनमा उत्रेका हुन् । निगमलाई निजीकरण हुन नदिने उनीहरुले बताएका छन् ।

Advertisement 2

नेपाल वायुसेवा निगम आधिकारिक ट्रेड युनियनका वरिष्ठ उपाध्यक्ष ऋषिकेश पन्थीले व्यवस्थापनको यो निर्णयले नेपाल वायुसेव निगमलाई तहसनहस पार्ने भएकाले मान्य नहुने बताएका छन् । यो निर्णय खारेज नभएसम्मका लागि आन्दोलन जारी रहने उनको भनाइ छ ।

नेपाल वायुसेवा निगम कर्मचारी संघका उपाध्यक्षले वायु सेवा निगमलाई नीजिकरण गर्न नदिन तालाबन्दी गर्नुपरेको बताए । आन्दोलित कर्मचारी माथि प्रहरीले बल प्रयोग गरेको थियो । प्रहरीले बल प्रयोग गरेर ताला पनि खोलेको छ ।