जिल्ला प्रहरी कार्यलय रुपन्देहीले निषेधाज्ञा उल्लंघन गर्ने तीन जनालाई जेल पठाएको छ ।
जिल्ला प्रहरी कार्यलय रुपन्देहीका अनुसार, विहिबार निषेधाज्ञा उल्लघन गर्ने तीन जनालाई कारागार चलान गरिएको हो ।
कोरोना संक्रमणको दोश्रो लहर फैलिएसँगै कोरोना संक्रमण रोकथाम तथा नियन्त्रणका लागि भन्द जिल्ला प्रशासन कार्यालय रुपन्देहीले हिजोदेखि १५ दिनका लागि निषेधाज्ञा जारी गरेको छ। जसमध्ये निषेधाज्ञा उल्लंघन गर्ने ७ पुरुष र १ महिलालाई सम्झाइबुझाइ गर्दा प्रहरी अधिकृतलाई समेत काममा बाधा पुर्‍याएको भन्दै उनीहरुलाई कैद सजाय माग गर्दै जिल्ला प्रशासन कार्यालय रुपन्देहीमा पठाएको थियो ।
निषेधाज्ञा उल्लंघन गर्ने ८ जनालाई कैद सजाय तोकिएको थियो । जसमध्ये ७ जना पुरुषलाई एक महिना कैद वा जनही ९ हजार १ सय जरिवाना तोकिएको थियो। महिलाका लागि ६ सय जरिवाना तोकिएकामा ५ जनाले जरिवाना बुझाएर छुटेका हुन भने बाँकी ३ जनाले जरिवाना बुझाउन नसको कारागार चलान भएको जिल्ला प्रहरी कार्यालय रुपन्देहीले जनाएको छ।
उनीहरुलाई संक्रामक रोग ऐन २०२० को दफा ३ को उपदफा २ बमोजिम कारवाही गरिएको जिल्ला प्रहरी कार्यालय रुपन्देहीका प्रहरी नायव उपरीक्षक सत्यनारायण थापाले बताए।

Advertisement 1