कोभिड १९ संकट व्यवस्थापन केन्द्र सीसीएमसीले भोलीदेखि सञ्चालन हुने सबै खालको परीक्षा स्थगन गर्न सिफारिस गरेको छ ।
आज सिंहदरबारमा बसेको बैठकले यस्तो् निर्णय गरेको हो ।
पछिल्लो समय काठमाडौं लगायतका मुख्य शहरहरु कोरोनाको हट स्पट बनेको कुरालाई मध्यनजर गर्दै यस्तो निर्णय गरेको हो ।
सरकारले कोरोनाको संक्रमण दर बढेको भन्दै अघिल्लो साता वैशाखभर मुख्य सहरी क्षेत्रका विद्यालयका कक्षा बन्द गर्ने निर्णय गरेको थियो । विद्यालयले भौतिक कक्षा बन्द गरेपछि अब अहिले वैकल्पिक विधिबाट पठनपाठन भइरहेको छ ।
आजको बैठकमा सङ्क्रमणको बढ्दो त्रास र त्यसको रोकथामबारे आगामी दिनमा अपनाउनुपर्ने रणनीतिबारे छलफल भएको थियो ।
यस्तै आजको बैठकले कोरोनाको उच्च संक्रमण फैलिरहेको छिमेकी मुलुक भारतीय सीमा नाकाहरुमा कडाइ गर्दै सीमानाकामा विदेशी नागरिकलाई नेपाल प्रवेशमा रोक लगाउने सरकारलाई सिफारिस गरेको छ ।