नेपाल प्रहरीका २४ एसपी र दुई जना डीएसपीको सरुवा तथा पदस्थापन (सूचीसहित)
काठमाडौं । नेपाल प्रहरीका २४ जना प्रहरी उपरीक्षक (एसपी) को सरुवा तथा पदस्थापन भएको छ । प्रहरी प्रधान कार्यालयमा बसेको बढुवा समितिको बैठकले १६ जना एसपीको सरुवा तथा आठ जना एसपीको पदस्थापन तथा दुइ जना प्रहरी नायव उपरीक्षक (डीएसपी) गरेको हो । १६ जना एसपीको सरुवा सूची अनुसार बारा, रौतहट, महोत्तरी, धनुषा, सर्लाहीलगायत जिल्लाका प्रहरी प्रमुखसहित फेरिएका छन् ।
Advertisement 1
यस्तै केही दिन अघि प्रहरी नायव उपरीक्षक (डिएसपी)बाट प्रहरी उपरीक्षक (एसपी)मा बढुवा भएका प्रहरी अधिकारीको पदस्थापन गरिएको छ । जसमा ढकेन्द्र खतिवडा, अंगुर जिसी, यादव ढकाल, सन्तोष तामाङ, श्यामबाबु ओलिया, निरञ्जनदत्त भट्ट, राजन लिम्बु र विनोद घिमिरे एसपीमा बढुवा भएका थिए ।
Advertisement 2
यस्तै दुई जना प्रहरी नायव उपरीक्षकको सरुवा भएको छ । जसमा लागू औषध नियन्त्रण ब्युरो कार्य शाखा कोटेश्वरमा कार्यरत नारायण रंजितकारलाई नेपाल प्रहरी विद्यालय साँगा, काभ्रेपलाञ्चोक र काठमाडौँ उपत्यका प्रहरी कार्यालय रानीपोखरी इन्टेलिजेन्स शाखाका दिनेश घिमिरेको नेपाल प्रहरी सिंहदरवार सुरक्षा गण, काठमाडौँमा सरुवा भएको छ । केही दिन अघि भएको बढुवासँगै रिक्त हुन आएको पदमा सरुवा गरिएको हो ।
