Advertisement 1

लोकसेवा आयोग आफैंले रद्ध एउटा विज्ञापनमा एक जना डाक्टरलाई बढुवा सिफारिस गरेपछि स्वास्थ्य मन्त्रालयदेखि लोकसेवा आयोगसम्म हलचल पैदा भएको छ ।
लोकसेवाले गत कार्तिक १५ मै रद्ध गरेको एउटा विज्ञापनमा बढुवा सिफारिस समितिले उनलाई प्रमुख कन्सल्टेण्ट ग्यास्ट्रोइन्टेरोलोजिष्ट पदमा बढुवा सिफारिस गरेको भेटिएको हो ।
गत पुस २१ मा बसेको बढुवा सिफारिस समितिले वीर अस्पतालका निमित्त कार्यकारी अधिकृत डा भुपेन्द्र बस्नेत बढुवा सिफारिस गर्न भ्याएको छ ।

तर सो विज्ञापन दुई महिना अघि नै लोकसेवाले रद्ध गरेको भेटिएको छ ।
यसरी दुई विज्ञापनमा उनलाई कसरी र कुन आधारमा बढुवा सिफारिस समितिको बैठक बसेर बढुवा गरियो ? अहिले प्रश्न उठ्न थालेको छ । स्वास्थ्य मन्त्रालयको च.नं. ८८५/०७८/०७९, १४ कात्तिक २०७८ को पत्रअनुसार स्वास्थ्य सेवा, मेडिसिन समूह, ग्यास्ट्रो इन्टेरोलोजी उपसमूह ११ औं तह प्रमुख कन्सल्ट्यान्ट ग्यास्ट्रो इन्टेरोलोजी पदमा माग पद संख्या १ मात्र कायम गरिदिन लेखी आएकाले १५ कात्तिक २०७८ को निर्णयअनुसार देहाय बढुवा रद्ध गरिएको व्यवहोरा सम्बन्धि जानकारीका लागि यो प्रकाशित गरिएको छ भनी उल्लेख छ ।

Advertisement 2

गत पुस २३ मा गोरखापत्र दैनिकमा एक सूचना प्रकाशन गर्दै स्वास्थ्य मन्त्रालयको बढुवा सिफारिस समितिले डा. भुपेन्द्रकुमार बस्नेतलाई प्रमुख कन्सल्ट्यान्ट ग्यास्ट्रो इन्टरोलोजिष्ट पद (११ औं तह)मा बढुवा सिफारिस गरेको सूचना प्रकाशन गरेको थियो । उनी कार्यक्षमता मुल्यांकनका आधारमा बढुवा सिफारिस भएको सो सूचनामा उल्लेख गरिएको छ ।
यसरी लोकसेवा आफैंले रद्ध गरेको सूचनामा के र कुन आधारमा टेकेर बस्नेतलाई बढुवा गरिएको हो ?
स्रोतका अनुसार बढुवा सिफारिस समितिमा लोकसेवा आयोगका सदस्य माधव बेल्बासे,दिनेश सिलवाल,मुख्यसचिव शंकरदास बैरागी, एक जना विज्ञ सदस्य र सदस्य सचिवका रुपमा स्वास्थ्य मन्त्रालयका सचिव डा रोशन पोखरेल रहेका थिए ।
उनीहरु सम्मेलित समितिको गत २१ पुसमा बसेको बैठकले डा भुपेन्द्र बस्नेत बढुवा सिफारिस गरेको थियो ।
लोकसेवा आयोगले दुई महिना अघि आफैंले रद्ध गरेको विज्ञापनमा आयोगका दुई सदस्य समेत सम्मिलित बढुवा समितिले डा बस्नेतलाई बढुवाका लागि सिफारिस गरेसँगै दाल मे कुछ काला हें को रुपमा स्वास्थ्यका कर्मचारीहरुले अर्थाउन थालेका छन् ।