संघीय मामिला तथा सामान्य प्रशासन मन्त्रालयले कर्मचारी प्रशासन हेर्ने महाशाखा तथा शाखा प्रमुखहरूको विवरण खोज्न थालेको ६ महिना पूरा भयो ।
तर विभागीय मन्त्रालयलाई अरु मन्त्रालयले नटेरे पनि के लाग्छ ?

Advertisement 1

अमनलाल मोदी मन्त्री हुँदा खोजिएको विवरण ६ महिनासम्म नभेटिएपछि सामान्य प्रशासनले फेरि यो विवरण माग्दै परिपत्र गरेको छ । यस अघि अमनलाल मोदी सामान्य प्रशासन मन्त्री हुँदा सामान्य प्रशासनले परिपत्र जारी गर्दै सबै मन्त्रालय, आयोग तथा सचिवालयहरूलाई तीन दिन भित्र कर्मचारी प्रशासन महाशाखामा विवरण बुझाउन भनेको थियो । त्यतिखेर गरिएको परिपत्रमा भनिएको थियो,‘ त्यहाँ मन्त्रालय आयोग सचिवालयमा कर्मचारी प्रशासन हेर्ने महाशाखा शाखा प्रमुखको विवरण तपसिल बमोजिमको ढाँचामा तीन दिनभित्र तयार गरी मन्त्रालयको कर्मचारी प्रशासन महाशाखा र इमेल मा उपलब्ध गराइदिनु हुन मन्त्रालयको निर्णयानुसार अनुरोध छ ।

यस अघि अमनलाल मोदी मन्त्री हुँदा सामान्यले यस्तै विवरण माग्दै परिपत्र गरेको थियो । ६ महिना व्यतित भइसक्दा मन्त्रालय,सचिवालय र आयोगबाट खोजेको विवरण प्राप्त नभएपछि सामान्यले पुन परिपत्र गरेको हो ।

Advertisement 2

शुक्रवार मन्त्रालयले फेरि अर्काे परिपत्र गर्दै विभिन्न मन्त्रालय, आयोग र सचिवालयमा कार्यरत प्रशासन महाशाखा र शाखाका प्रमुखहरुको नाम, पद, फोन नम्बर, इमेललगायतको विवरणको हार्ड कपी मन्त्रालयको संघीय तथा प्रादेशिक कर्मचारी प्रशासन शाखामा र सफट् कपी [email protected] इमेल गर्न परिपत्र गरिएको छ ।