एक जना स्थायी शिक्षकले शिक्षण पेशाबाटै राजीनामा दिएर कोरिया जाने तयारी गरेसँगै अहिले चर्चामा छन् कुविर लिम्बु ।

Advertisement 1

तेह्रथुमको फेदाप गाउँपालिका–१, सिम्लेस्थित श्री जनता आधारभूत विद्यालयमा कार्यरत शिक्षक कुबिर लिम्बुले मंसिर २१ गते प्रावि शिक्षक तृतीय श्रेणीको जागिर छाडेर कोरिया जाने तयारीमा लागेसँगै अहिले सामाजिक सञ्जालमा उनी चर्चामा छन् ।
लिम्बुले यही २१ मंसिरमा शिक्षा विकास तथा समन्वय इकाईमा राजीनामा पत्र बुझाए । शिक्षक सेवा आयोगबाट प्राथमिक तहको खुल्ला प्रतियोगितात्मक परीक्षा उत्तीर्ण गरेर गत चैत १५ गतेदेखि स्थायी नियुक्ति पाएका उनले अरु नै पेशा अपनाउने भन्दै जागिर छाडेका हुन् ।
उनले बुझाएको राजीनामा पत्रमा लेखिएको छ श्री जनता आधारभूत विद्यालय, फेदाप १ सिम्ले, तेह्रथुममा प्रा।वी तृतीय श्रेणीमा कार्यरत शिक्षक म कुबिर लिम्बु अरु नै पेशा अपनाउने भई मेरो व्यक्तिगत कारणले शिक्षक पेशा छोड्नुपर्ने भएकोले आज मिति २०८०–८–२१ गतेदेखि लागु हुनेगरी राजीनामा स्वीकृत गरिदिनुहुन श्रीमानसमक्ष यो राजीनामा पत्र पेश गर्दछु’ ।
यसरी सरकारी जागिर छाड्नेको लर्काे चाहिँ नेपाल प्रहरी,सुरक्षा निकाय र स्वास्थ्य सेवातिर अझैं बढी देखिन्छ ।