अधिकृत भण्डारी जसले एक वर्षमा लोक सेवाका १० परीक्षा उत्तीर्ण गरे

गुल्मी जिल्लाको धुर्कोट– ५ निवासी रमेश भण्डारीले लोक सेवा आयोगले लिएका १० परीक्षा एकै बर्षमा उत्तीर्ण भएका छन् । एक वर्षमै लोक सेवाका १० वटा परीक्षा उत्तीर्ण गर्न सफल भएका भण्डारीले असल राष्ट्रसेवक बन्ने चाहना राखेका छन् । २५ वर्षीय भण्डारी हालै सङ्घीय शाखा अधिकृत (लेखा समूह) सिफारिस भएका छन्।

Advertisement 1

भण्डारीले माथिल्लो स्तरमा पुग्नका लागि प्रयास जारी राख्दै गर्दा सचिव र मुख्य सचिवसम्म पुगेर असल राष्ट्रसेवक बन्ने सपना रहेको बताए । लोक सेवाको तयारी गरेको छोटो समयमै मेहनतले सफलता हात परेको खुसी उनले  सुनाए । उनले गण्डकी प्रदेश स्थानीय पाचौं तह (प्रशासनंलेखा), संघको नायब सुब्बा (प्रशासन समूह), संघ नायब सुब्बा (लेखा तथा लेखापरीक्षण समूह), कृषि विकास बैंकको पाचौ तह सहायक, गण्डकी प्रदेश चौथो तह, विद्युत प्राधिकरण पाचौं तह (लेखा समूह), नेपाल विद्युत प्राधिकरण चौथो तह उत्तीर्ण गरेका हुन । यस्तै, भण्डारीले नेपाल टेलिकम छैटौ तह सहायक व्यापार अधिकृत, नेपाल टेलिकम चौथो तह उत्तीर्ण गरेका छन् । भण्डारीले यी बाहेक भन्सार विभागले करिब २२ वर्षपछि विज्ञापन गरेको भन्सार एजेन्टको लाइसेन्सको परीक्षा पनि उत्तीर्ण गरेका थिए । जसमा ६६० जनाका लागि १० हजारभन्दा बढीको प्रतिस्पर्धा भएको थियो । तर, निजामती सेवा प्रवेश गरेपछि उनले लाइसेन्स खारेज गराएका छन् ।

लोक सेवा तयारी गरेकालाई निरन्तर अध्ययन र लेखन गर्न उनको सुझाव छ । लोक सेवाले लिएको परीक्षामा अनुत्तीर्ण भए भन्दै हार खान नहुने र निरन्तर प्रयास गरेमा सफल बन्न सकिने भण्डारीले बताए ।

प्रकाशित :२०८० कार्तिक २१, मंगलवार १४:०५

यो खबर पढेर तपाईलाई कस्तो महसुस भयो ?

0%

like

0%

love

0%

haha

0%

wow

0%

sad

0%

angry