१४ किलो सुनको छानबिन गर्न भन्सार विभागद्वारा ६ सदस्यीय समिति गठन
प्रहरीले करिब १४ किलोग्राम सुनसहित दुबईबाट आएका गोरखाका चन्द्र घलेलाई हिजो राति त्रिभुवन अन्तर्राष्ट्रिय विमानस्थलमा नियन्त्रण लिएको छ । गएराति फ्लाई दुबईको उडान नम्बर एफजेड ५७३ मा काठमाडौं आएका मीनबहादुर घलेलाई विमानभित्रैबाट नियन्त्रणमा लिइएको थियो । त्रिभुवन अन्तर्राष्ट्रिय विमानस्थल भन्सार कार्यालयका प्रमुख टोकराज पाण्डेले तस्करीको सुन विमानमार्फत आउँदैछ भन्ने सूचना केही दिनअघि नै भएको र सोही सूचनाका आधारमा दुई दिनदेखि प्रहरीसहितको टोली बसेर चेकजाँचमा कडाइ गरेका र विमानस्थलमा आउने र जाने शंकास्पद व्यक्तिहरुलाई निगरानी गरिरहेको बताएका छन् ।
Advertisement 1
१४ किलो सुन तस्करी छानबिन गर्नका लागि भन्सार विभागले ६ सदस्यीय छानबिन समिति गठन गरेको छ ।
भन्सार अधिकृत मणिराम पौडेलको नेतृत्वमा प्रहरी नायब उपरीक्षक प्रकाश सुवेदी, भन्सार अधिकृत डिल्लुप्रसाद शर्मा, भन्सार अधिकृत प्रकाश निरौला, शाखा अधिकृत मञ्जु थापा र भन्सार अधिकृत लोकराज ढुङ्गाना रहेको ६ सदस्यीय समिति गठन गरिएको बताइएको छ ।
