नक्कली भुटानी शरणार्थी प्रकरणमा पूर्व सचिव टेकनारायण पाण्डेलाई रिहा गर्न उच्च अदालत पाटनले अस्वीकार गरेको छ ।  उच्च अदालत पाटनले जिल्ला अदालत काठमाडौैंको फैसला आंशिक सदर गर्दै ९ जनालाई रिहा गर्न अस्वीकार गरेको छ ।

Advertisement 1

यो प्रकरणमा केहीलाई साधारण तारिख र धरौटी तथा अरुलाई जेलको बास यथावत तोकेको छ ।न्यायाधीशद्वय जनक पाण्डे र प्रकाश खरेलको इजलासले ६ जना धरौटी तथा ४ जना साधारण तारेख गरि १० जना रिहा भएका छन् । एक प्रतिवादी (बालकृष्ण खाण)को हकमा दुई न्यायाधीशबीच राय बाझिएपछि उनी तत्कालका लागि थुनामै रहने देखिन्छ ।

यो प्रकरणमा टोपबहादुर रायमाझीको छोरा सन्दीप रायमाझीलाई ३० लाख, टेकनाथ रिजाललाई १५ लाख, रामशरण केसीलाई १५ लाख, हरिभक्त महर्जनलाई १५ लाख, नरेन्द्र केसीलाई १० लाख र शमशेर मियाँलाई १० लाख धरौटीमा रिहा गर्ने आदेश भएको छ ।

Advertisement 2

अन्यमा रामशरण केसी १५ लाख,केशव तुलाधर सामान्य तारेख, टेककुमार गुरुङ साधारण तारेख,समशेर मियाँको हकमा १० लाख,आशिष बुढाथोकीलाई साधारण तारेखको आदेश भएको छ ।

जनक पाण्डेले ३० लाख धरौटीमा पूर्व उपप्रधान तथा गृहमन्त्री बालकृष्ण खाँणलाई छाड्नुपर्ने राय दिए पनि अर्का न्यायाधीश खरेलले राय बझाउँदै नमानेका हुन् । अब यो प्रकरणमा तेस्रो न्यायाधीशको इजलासपछि पनि बहुमत कायम हुन नसकेमा सर्वोच्चमा पठाउनुपर्ने छ ।

टोपबहादुरलगायत टेकनारायण पाण्डे,ड इन्द्रजित राई,केशव दुलाल,सानु भण्डारी, सागर राई,गोविन्दकुमार चौधरी,सन्देश शर्मा, र आङटावा शेर्पा लगायत नौ जनालाई जिल्ला अदालत काठमाडौंको आदेश सदर गर्दै थुनामा राख्नु मनासिब ठहर्याइएको छ ।
जिल्ला अदालत काठमाडौंले गएको असार १ गते रायमाझी, खाँणसहित १६ प्रतिवादीलाई थुनामा राखी मुद्दाको पुर्पक्ष गर्ने आदेश गरेको थियो ।