सरकारले १ जेठदेखि सातामा दुई दिन शनिवार र आइतबार सार्वजनिक बिदा दिन थालेको छ । यो सँगै दैनिक ८ कार्यघण्टा बनाइएको छ र कार्यालय समय बिहान साढे ९ बजेदेखि बेलुका साढे ५ बजेसम्म पुर्याइएको छ तर अधिकांश सरकारी कर्मचारीहरु न समयमा कार्यालयमा पुग्छन न त तोकिएको ड्रेस नै लगाउने गरेका छन् ।
सरकारी संयन्त्रले गरेको एउटा अनुगमनको क्रममा यस्तो भेटिएको हो । राष्ट्रिय सतर्कता केन्द्रले हालै गरेको अनुगमनको क्रममा अधिकांश कर्मचारीहरु कार्यालय समयमा हाजिर नभएको र तोकिएको पोशाक समेत नलगाउने गरेको पाइएको हो । केन्द्रले गरेको अनुगमनको क्रममा एक तिहाई कर्मचारी न त कार्यालय समय अर्थात बिहान साढे ९ बजे कार्यालय पुगेको नभेटिएको हो । यस्तै अधिकांश कर्मचारीहरु सरकारले तोकेको पोशाक नलगाई टिर्सट पाइन्टमा ढाटिएर वा अन्य पोशाकमा कार्यालय प्रवेश गरेको भेटिएको हो । कार्यालय नगएर बिदा बसेकामध्ये अधिकांश कर्मचारी बिदा समेत स्वीकृत नगराई बिदामा बसेको केन्द्रको अनुगमनको क्रममा खुलेको छ ।

Advertisement 1

राष्ट्रिय सतर्कता केन्द्रले विभिन्न विभिन्न मन्त्रालय,विभागसहितका उपत्याकाभित्रका २१ वटा सरकारी कार्यालयमा छड्ेक अनुगमन गर्दा १ सय ६ कर्मचारीले कार्यालय समयमा कार्यालयमा नपुगेको भेटिएको हो । यस्तै २३ जनाले बिदा स्वीकृत नगराई अनुपस्थित रहेको पाइएको छ। समय पालना नगर्नेमा अधिकृतस्तरका ४२,साहयकस्तरका ४६,श्रेणी बिहिन १८ रहेका छन् भने बिदा स्वीकृत नगराई बस्नेमा अधिकृत स्तरका ३,साहयक स्तरका आठ र श्रेणीबिहिन कर्मचारी २ जना रहेका छन् । यस्तै तोकिएको पोशाक नलगाउनेमा अधिकृतस्तरका १२,साहायक स्तरका २१ र श्रेणी बिहिन ५ जना रहेका छन् ।

समयमा कार्यालय नपुग्ने अटेरी कर्मचारीमा सबैभन्दा बढी शहरी विकास तथा भवन निर्माण विभाग ववरमहलका १९ कर्मचारी समयमा कार्यालयमा नपुगेको पाइएको हो । केन्द्रको अनुमगनको क्रममा शहरीका अधिकृतस्तरका ६ र साहायक स्तरका १० र श्रेणीबिहिन ३ कर्मचारी कार्यालय समय पालना नगरेको पाइएको हो । यस्तै यातायात व्यवस्था कार्यालय साना ठूला (बाग्मती),एकान्तकुनाका १८ कर्मचारीले नियम पालना नगरेको भेटिएको हो । केन्द्रले गरेको अनुगमनको क्रममा सो कार्यालयका अधिकृतस्तरका ८ र साहायकस्तरका १० कर्मचारी कार्यालयमा नभेटिएका हुन । वैदेशिक रोजगार विभाग बुद्धनगरका ११ कर्मचारीले समय पालना नगरिएको भेटिएको हो । केन्द्रको अनुगमनको क्रममा सो कार्यालयका अधिकृतस्तरका ४ र साहायकस्तरका ७ कर्मचारीले समय पालना नगरेको सर्तकता केन्द्रले जनाएको छ ।

Advertisement 2

केन्द्रको अनुगमनको क्रममा वाणिज्य तथा आपूर्ति संरक्षण विभागमा १०,उद्योग विभागका ९,नापी कार्यालय कलंकीका २,यातायात व्यवस्था कार्यालय चाबहिलका ७,कम्पनी रजिष्टार्र्ड कार्यालउ त्रिपुरेश्वरका ११,यातायात कार्यालय सल्लाघारीका ३,यातायात व्यवस्था मोटरसाइकल (गर्जुधारा)का ८ कर्मचारीले नियम पालना नगरेका भेटिएको हो । मालपोत कार्यालय कलंकीका ८ कर्मचारीले नियम पालना नगरेको भेटिएको हो । छड्केमा कम्पनी रजिस्ट्रारको कार्यालय त्रिपुरेश्वरमा कार्यरत चार कर्मचारीले तोकिएको पोसाक नलगाएको पाइयो। २१ वटा सरकारी कार्यालयमा कार्यरत कर्मचारीमध्ये १३ जनाले पोसाक नलगाएको रिपोर्टमा उल्लेख छ। यसअघि केन्द्रले गत वैशाख ८ गते १० वटा सरकारी कार्यालयमा छड्के गरेको थियो। त्यसबेला पनि कर्मचारीले कार्यालय समय पालना नगरेको पाइएको केन्द्रले जनाएको थियो।

केन्द्रको अनुगमनको क्रममा बैदेशिक रोजगार विभाग बुद्धनगरमा समय पालना नगर्ने कर्मचारी एघार जना रहेका छन्, विदा स्वीकृत नगराइ घर बस्ने दुई जना तोकिएको पोसाक भने सबैले लगाएको केन्द्रले जनाएको छ । यस्तै नापी कार्यालय कलंकीमा सबै कर्मचारीहरुले समयको पालना गरेका छन्, विदा स्वीकृत नगराइ घर बस्ने १ जना तोकिएको पोसाक नलगाउने १ जना भेटिएको केन्द्रले जनाएको छ ।

उद्योग विभाग त्रिपुरेश्वरमा समय पालना नगर्ने कर्मचारी चार जना रहेका छन् । यातायात कार्यालय चावहिलमा समय पालना नगर्ने कर्मचारी पाँच जना रहेका छन्, विदा स्वीकृत नगराइ घर बस्ने २ जना भेटिएको छ । जिल्ला प्रशासन कार्यालय ललितपुरमा समय पालना नगर्ने कर्मचारी पाँच जना रहेका छन्, विदा स्वीकृत नगराइ घर बस्ने २ जना भेटिएको केन्द्रले जनाएको छ ।
कम्पनी रजिटार कार्यालय त्रिपुरेश्वरमा समय पालना नगर्ने कर्मचारी सात जना रहेका छन्, तोकिएको पोसाक नलगाउने ४ जना भेटिएको छ । यातायात व्यवस्था कार्यालय साना ठूला एकान्तकुनामा समय पालना नगर्ने कर्मचारी २६ जना रहेका छन्, तोकिएको पोसाक नलगाउने १ जना भेटिएको छ । जिल्ला प्रशासन कार्यालय भक्तपुरमा भने कुनै कमी कमजोरी फेला परेको छैन् ।

नापी कार्यालय मिनभवनमा समय पालना नगर्ने कर्मचारी सात जना रहेका छन्, विदा स्वीकृत नगराइ घर बस्ने १ जना तोकिएको पोसाक नलगाउने १ जना भेटिएको छ । यातायात कार्यालय सल्लाघारीमा समय पालना नगर्ने कर्मचारी १ जना रहेका छन्, विदा स्वीकृत नगराइ घर बस्ने १ जना तोकिएको पोसाक नलगाउने १ जना भेटिएको छ । वन तथा भूसंरषण विभाग बबरमहलमा समय पालना नगर्ने कर्मचारी पाँच जना रहेका छन् । यातायात व्यवस्था कार्यालय मोटरसाइकल गुर्जधारामा समय पालना नगर्ने कर्मचारी तीन जना रहेका छन्, तोकिएको पोसाक नलगाउने पाँच जना भेटिएको छ ।

३१ नं वडा कार्यालयमा विदा स्वीकृत नगराइ घर बस्ने २ जना तोकिएको पोसाक नलगाउने ३ जना भेटिएको छ । मालपोत कार्यालय कलकींमा तोकिएको पोसाक नलगाउने ८ जना भेटिएको छ । शहरी विकास तथा भवन निर्माण विभाग बबरमहलमा समय पालना नगर्ने कर्मचारी उन्नाइस जना रहेका छन्, तोकिएको पोसाक नलगाउने सातयातायात व्यवस्था विभाग मिनभवनमा पनि कुनै समस्या फेला परेको छैन् । वाणिज्य आपूर्ति तथा उपभोक्ता संरक्षण विभागमा समय पालना नगर्ने कर्मचारी दस जना रहेका छन्, तोकिएको पोसाक नलगाउने तीन जना भेटिएको छ । १४ नं वडा कलकींमा समय पालना नगर्ने कर्मचारी तीन जना रहेका छन्, विदा स्वीकृत नगराइ घर बस्ने चार जना भेटिएको छ । यातायात व्यवस्था कार्यालय ठूलो भर्‍याङमा तोकिएको पोसाक नलगाउने तीन जना भेटिएको छ । सानोभर्‍याङमा समय पालना नगर्ने कर्मचारी तीन जना रहेका छन् । ३२ नं वडा पेप्सिकोलामा समय पालना नगर्ने कर्मचारी दुई जना रहेका छन्, तोकिएको पोसाक नलगाउने १ जना भेटिएको छ ।

एक सय ५ जना समय पालना नगर्ने कर्मचारीहरु रहेका छन् ती मध्य समय पालना नगर्ने ४२ जाना अधिकृत स्तरका छन् सहायक स्तरका ४६ जना रहेका छन् र १८ जना श्रेणी विहिन छन् । तेह्र जना बिदा स्वकिृत नगरी बस्ने रहेका छन् । ती मध्य ३ जाना अधिकृत स्तरका छन् सहायक स्तरका ८ जना रहेका छन् र २ जना श्रेणी विहिन छन् । भने ३८ जना तोकिएका पोसाक नलगाउने रहेका छन् । ती मध्य १२ जाना अधिकृत स्तरका छन् सहायक स्तरका २१ जना रहेका छन् र ५ जना श्रेणी विहिन छन् ।