कर्मचारी संगठन मध्य सबभन्दा बढी अग्रसरता रहेको
नेपाल निजामती कर्मचारी युनियनले जाजरकोट र रुकुम पश्चिममा भूकम्पमा परेर घाइते तथा मृतकका परिवारलाई ११ लाख ११ हजार ११ रुपैयाँ सहयोग गर्ने भएको छ।

Advertisement 1

युनियनको केन्द्रीय कार्यसमितिको तर्फबाट एकमुष्ट रूपमा ११ लाख ११ हजार १११ रुपैयाँ सहयोग गर्ने भएको हो । भूकम्पमा परी घाइते तथा मृतकका परिवारहरुलाई सहयोगका लागि नेपाल निजामती कर्मचारी युनियन केन्द्रीय कार्य समितिका पदाधिकारी तथा सदस्यहरूबाट न्यूनतम एक हजारका दरले सहयोग रकम संकलन गर्ने नेपाल निजामतीकर्मचारी युनियनका केन्द्रिय उपमहासचिव इन्दु शर्माले जानकारी दिए ।

युनियनले यसअघिका भूकम्प, कोभिड, बाढीपहिरोलगायतका विपत्तिमा मानवीय सहायता प्रदान गर्दै आएको छ। उपमहासचिव शर्माले पश्चिम नेपालका नेपाली दाजुभाइले भोग्नुपरेको विपत्तिमा सम्पूर्ण देशवासीले साथ दिनुपर्ने पनि बताए।

Advertisement 2

“ गएको भूकम्पमा परेर जति पनि नेपाली दाजुभाइ दिदीबहिनीको मृत्यु भएको छ, त्यसप्रति हामी निकै दुःखी छौँ,” शर्माले भने, “दुःखको यस घडीमा हामी पीडित नागरिकसँगै छौँ भन्ने सन्देश दिन चाहन्छौँ । त्यसैले हामीले यो सहयोग गरेका हौँ ।”

नेपाल निजामती कर्मचारी युनियनका जिल्ला, प्रदेश तथा विभागीय कार्यसमितिहरुलाई सहयोग रकम नेपाल निजामती कर्मचारी युनियनको केन्द्रीय कार्यसमितिको राष्ट्रिय वाणिज्य बैक, नयां बानेश्वर शाखामा रहेको खातामा जम्मा गर्न अनुरोध समेत गरेको छ ।