Advertisement 1

संघीय मामिला तथा सामान्य प्रशासन मन्त्रालयको बरण्डा अहिले काण्डवाल हाकिमको बथानले भरिएको छ । अहिले संघीय मामिला तथा सामान्य प्रशासन मन्त्रालयको बरण्डामा दुई सहसचिव,एक उपसचिव र एक जना अधिकृत थन्काइएको छ ।
अहिले संघीय मामिला तथा सामान्य प्रशासन मन्त्रालयको अतिरिक्त समूहमा सहसचिवद्धय झलकराम अधिकारी, सुशील वैद्यका अलवा उपसचिव डमरु निरौला र अधिकृत काजिमान राई थपिदैंछन् ।

साउन दोस्रो साता झापास्थित दमक नगरपालिकाको प्रमुख प्रशासकीय अधिकृत डमरु निरौलाले नगरपालिकाको क्वार्टरभित्रै एक डिभोर्सी महिलासँग मदिरामा लठ्ठ भएर चुम्बन गरेको भिडिओ सामाजिक सञ्जालमा छरपष्ट भयो । त्यसपछि सामान्यले अतिरिक्त समूहमा रछन्,उनी गत साउन २४ गतेदेखि नै । डमरुको ठाउँमा सामान्यले उपसचिव गणेशराज कार्कीलाई झापा खटाएको छ ।
यस पछि हालैमात्र गृह मन्त्रालयबाट दुई सहसचिव सामान्यको बरण्डामा पुगेका छन् । सहसचिवद्धय झलकराम अधिकारी र सुशील वैद्यलाई सामान्य प्रशासनको अतिरिक्त समूहमा थन्काइएको हो ।

Advertisement 2

६० किलो सुन तस्करीमा संलग्न रहेका दावा छिरिङसँग गहिरो कनेक्सन भेटिएपछि अध्यागमन विभागका महानिर्देशक झलकराम अधिकारीलाई विभागबाट हटाएर गृहमा तानिएको थियो । गत फागुन २०७९ मा अध्यागमन विभागको महानिर्देशक बनाएर पठाइएको अधिकारीलाई पाँच महिनामै त्यहाँबाट तानेर गृहमा ल्याइएको उनलाई गृहबाट सामान्य प्रशासनको अतिरिक्त समूहमा पठाइएको छ,अस्ति ५८ सहससचिवहरु सरुवामा पर्दा अधिकारी सरुवामा परेका हुन । अधिकारीसँग प्रहरीको केन्द्रीय अनुसन्धान ब्युरो सीआईबीले बयान लिइसकेको छ ।

यस्तै अर्काे सहसचिव सुशील वैद्य पनि गृहबाट सामान्य प्रशासनको अतिरिक्त समूहमा थन्काइनेमा थपिएका छन् । ललिता निवास प्रकरणमा नाम मुछिएका वैद्य दाङका प्रमुख जिल्ला अधिकारीको भूमिका थिए । केन्द्रीय अनुसन्धान व्युरो हुँदै सरकारी वकिल कार्यालयले समेत वैद्यलाई दोषी ठहर गर्दै कारवाहीको लागि सिफारिस गरेसँगै उनीमाथि लागेको आरोपबारे छानबिन गर्न सजिलो होस् भनेर गृह मन्त्रालय तानिएको र गृहबाट संघीय मामिला तथा सामान्य प्रशासनको अतिरिक्त समूहमा राखिएको हो । वैद्य भूमि सुधार मन्त्रालयमा हुँदा ललिता निवासको जग्गा व्यक्तिको नाममा लैजाने प्रक्रियामा सहभागी भएको प्रहरी अनुसन्धानले देखाएको छ ।

यता लेखा अधिकृतसँग कार्यकक्षमै ‘रोमान्स’ गर्ने इलामको माइजोगमाई गाउँपालिकाका प्रमुख प्रशासकीय अधिकृत काजीमान राईलाई समेत सामान्य प्रशासन मन्त्रालयमै तान्ने तयारी भइरहेको सामान्य प्रशासन मन्त्रालयले जनाएको छ ।

काण्ड बाहिरिनु केही दिन अगाडि राई त्यहाँबाट सरुवा भएर बाह्रदशी गाउँपालिकामा पुगेका थिए । राई हाजिर हुनका लागि गत १२ भदौंमा उक्त कार्यालयमा पुगेका थिए ।दुई दिन हाजिर भएर काठमाडौं हिडेका राईको यही बीचमा अश्लिल भिडियो बाहिरिएपछि राईलाई उक्त कार्यालयमा हाजिर लगाउन रोक लगाइएको बाह्रदशी गाउँपालिकाले जनाएको छ । राईलाई समेत सामान्य प्रशासन मन्त्रालयमै तान्ने तयारी भइरहेको सामान्य स्रोतले जनाएको छ ।