नाम होस्, बदनाम होस्, गुमनाम नहोस् ! यो उखान ठ्याक्कै मेल खान्छ एक जना उपसचिवसँग । उनी कुनै सेलिब्रिटी होइनन्, झापाको दमक नगरपालिकामा रहँदा रंगीला काण्ड लागेर सिंहदरबारमा तानिएका थिए । संघीय मामिला तथा सामान्य प्रशासन मन्त्रालयको अतिरिक्त समूहमा तानिएका छन्,गत साउन २४ गते ।

Advertisement 1

लामो समय स्थानीय तह, गृह प्रशासन, उद्योग मन्त्रालय मातहत बसेका कारण सामान्य प्रशासन मन्त्रालयबाट अन्य मन्त्रालयका साथीसंगीलाई भेट्न पुग्छन् । सिंहदरबारभित्र बस्दा अधिकांश समय मास्क लगाएर हिड्ने उनी जहाँ जहाँ पुग्छन्,त्यहाँ डमरु निरौला आएको खबर क्षणभरमै आगोझैं फैलिन्छ र उनको दिव्य मुहारको दर्शन गर्न कर्मचारीको भीडै लाग्छ ।

साउन दोस्रो साता निरौलाले नगरपालिकाको क्वार्टरभित्रै एक डिभोर्सी महिलासँग मदिरामा लठ्ठ भएर चुम्बन गरेको भिडिओ सामाजिक सञ्जालमा छरपष्ट भयो । त्यसपछि सामान्यले अतिरिक्त समूहमा रछन्,उनी । डमरुको ठाउँमा सामान्यले उपसचिव गणेशराज कार्कीलाई झापा खटाएको छ ।

Advertisement 2

दुई छोरीसहित श्रीमती सिनामंगलमा बस्छिन् । परस्त्रीसँग अश्लील हर्कतमा जोडिएका डमरु जता पुग्छन्, त्यहाँ कर्मचारीको भीड लाग्छ । इकर्मचारीकर्मी भूमि व्यवस्था मन्त्रालयमा पुग्दा डम्बरु एक जना कर्मचारीको कार्यकक्षमा बसिरहेका थिए । डम्बरु आएको खबर आगोसरी फैलिनासाथ पहिलो, दोस्रो होइन पाँचौँ तलामा रहेका कर्मचारी पनि अनुहार हेर्ने बहानामा उक्त कोठामा छिरिरहेका थिए । यस्तै गृह,उद्योग लगायतका मन्त्रालयमा पुग्दा पनि उस्तै दृश्य देखिएको त्यहाँका कर्मचारीले बताए ।

कुनै समय ताप्लेजुङको प्रमुख जिल्ला अधिकारी चलाइसकेका निरौलाले आफू माथि भएको घटनाको बेलिबिस्तार लगाउन पटक पटक प्रयास गरेका हुन,अहिलेका सामान्य प्रशासन सचिव विनोदप्रकाश सिंहसँग । कुनै समय गृह प्रशासन चलाएका सिंहलाई आफूमाथि भएको घटना बारे बताउने पटक पटक प्रयास गरेका थिए तर एकान्त वार्ताको अवसर नजुरेको दुःखेसो सुनाउँछन् । झापामा सहायक सिडिओ रहेका बेला जग्गा किर्ते काण्डमा संलग्न रहेको आरोप उनीमाथि छ ।