यस अघि ४ जिल्लाको कमाण्ड गरिसकेका जनार्दन गौतम बर्ष दिनदेखि जिल्ला प्रशासन कार्यालय उदयपुर हाँकिरहेका छन् । उपसचिव तहमा हुँदा सिन्धुली,दार्चुला र जाजरकोट जिल्ला प्रशासन कार्यालय हाँकेर गृह प्रशासनमा काविल बनिसकेका गौतम डेढ बर्ष अघि सहसचिवमा उक्लिएसँगै सप्तरी र अहिले उदयपुर जिल्ला प्रशासन कार्यालयको प्रमुख जिल्ला अधिकारीको कुर्सीमा छन् । उनले जिल्लाको नेतृत्व सम्हालेदेखि नै जनताको समस्याहरुलाइ पहिलो प्राथमिकतामा राखेर काम गर्दै आइरहेका छन् ।
सेवाग्राहीलाई कसरी छिटो र छरितो सेवा दिन सकिन्छ ? यसैमा केन्द्रित रहेर काम गर्दै आएका गौतमले कार्यालयभित्रै बैकको काउन्टर राखेर राजस्व लिन सकिने व्यवस्था मिलाइएको छ । जसबाट सेवाग्राहीले केही राहतको सास फेर्न पाएका छन् । यस अघि राजश्व तिर्न समेत सर्वसाधरण र सेवाग्राहीलाई सास्ती थियो । त्यो सास्ती टरेको छ । कार्यालयभित्रै हुलाक टिकट किन्न मिल्ने सेवा प्रारम्भ भएको छ ।
यस अघि सेवाग्राहीलाई बस्नका लागि बेञ्चको व्यवस्था थिएन,गौतमल शहरी कार्यालय,सप्तरी शाखालाई आग्रह गरेर सेवाग्राहीलाई बस्नका लागि बेञ्चको व्यवस्था मिलाएका छन् । राहदानी लिन बस्दा सेवाग्राहीलाई घाम र पानीसँग जुध्नु पर्ने स्थिती थियो । अहिले त्यहाँ छाना (सेट) राखिइएको कारण सहज भएको छ ।

Advertisement 1

प्रमुख जिल्ला अधिकारी गौमतकै शब्दमा गत भदौंमा उनी यस कार्यालयको प्रमुख भएर आउनु अघि राहदानी लिनका लागि लामो क्यु लाग्ने स्थिति थियो । जिल्ला प्रशासन कार्यालय उदयपुरले राहदानी विभागसँग समन्वय गरेर यस्लाई हल गरिएको छ । अहिले दैनिक ४० देखि ५० जनाले सहज ढंगबाट राहदानी बनाइरहेका छन् । यस्तै जिल्ला प्रशासन कार्यालय उदयपुरले दैनिक ४० देखि ५० कै संख्यामा नयाँ नागरिकता जारी गरिरहेको छ । यस्का अलवा दैनिक ८० देखि ९० हाराहारीमा राष्ट्रिय परिचयपत्र पनि जारी गरिरहेको छ । विपत प्राधिकरणको प्रवक्ता,अध्यागमन विभाग लगायतका गृह मातहतकै निकायमा बसेर गृह प्रशासनमा खारिएका गौतम ६७ सालमा उपसचिवमा उक्लिएका हुन । साढे दुई बर्षदेखि सहसचिवको रुपमा कार्यरत गौतमले निजामती सेवामा ३५ बर्ष समय व्यतित गरिसकेका छन् । प्रमुख जिल्ला अधिकारी गौतमका अनुसार,कागजात पुगेर आएका कुनै पनि सेवाग्राहीले जिल्ला प्रशासन कार्यालय उदयपुरबाट आजको काम भोलिका लागि भनेर फर्किनु परेको छैन ।

जिल्ला प्रशासनसँग बजेट,श्रोत साधन कम छ । उसले विभिन्न पालिकालाई अनुरोध गरेर क्यु मेसिन राख्ने काम अगाडि बढाएको छ । क्यु मेसिन मार्फत टोकन वितरण गर्ने र फस्ट कम फस्ट सर्भ प्रदान गर्ने छ ।उदयपुर जिल्ला प्रशासन कार्यालयमा मधेशको जस्तो भिडभाड छैन । भीडभाड कम भएका कारण सेवाग्राहीका गुनासो पनि शून्य जस्तै छ अर्थात गुनारोरहित कार्यालय बनाएका छन् उदयपुर प्रशासनलाई गौमतले । यस्का अलवा संघ, प्रदेशका सबै कार्यालय अनुगमन गरेर त्यहाँको अबस्था, सेवाका बारेमा समेत सुझाव लिने काम गर्दै आएका छन्,उनी । यस अघि विपद् प्राधिकरणमा बसेर कार्यअनुभव बटुलिसकेका गौतमले त्यहाँ देखिएका विपदलाई सहज ढंगले सामधान गर्न सफल भए ।

Advertisement 2

बेलका नगरपालिका ८ अवस्थित बाँध फुटेर कोशीले त्राहिमाम बनाएको स्थिती थियो । उनले तत्कालै एक्सन लिए । जलश्रोत तथा सिचाई मन्त्रालय,गृह,विपद् प्राधिकरण,जनप्रतिनिधिहरुसँग पहल गरेर दुइ करोड ५४ लाख जम्मा गराए र उक्त रकमबाट ठेक्का मार्फत बाँध निर्माण गर्ने काम सम्पन्न गराए । अहिले ४ लाख ६२ हजार क्युसेक पानी कोशीमा आँउदासम्म उक्त बस्तीमा छिर्न नसक्ने गरि बाँध बनेको छ ।
यस्का अलवा लागू औषध नियन्त्रणमा समेत उतिकै सक्रिय भएर काम गरिरहेका छन्,गौतमले । लागू औषधको बढी कारोवार हुने जिल्लामध्ये एक हो उदयपुर । सोही कारण लागूऔषधको दुव्र्यसन रोक्नका लागि उनी आफैं अग्रसर भएर सचेतना मुलक कार्यक्रम आयोजना गरे । जिल्लाका एसपी आफैं विभिन्न विद्यालयमा पुगेर सचेतनामूलक काम गरे । उनी त्यहाँ बहालरत रहँदा नै प्रदेश र संघको निर्वाचन शान्तिपूर्ण ढंगबाट सम्पन्न गरेर आफूलाई सफल प्रमुख जिल्ला अधिकारीको रुपमा उभ्याएका छन् ।

स्थानीय तहको निर्वाचनमा एक जनाले ज्यान गुमाएका थिए तर गत मंसिर सम्पन्न प्रदेश र संघीय निर्वाचनमा लाठी चार्ज समेत नभइ शान्तिपूणए ढंगबाट निर्वाचन सम्पन्न गराउन सफल भए गौतम । यद्यपि कोशि प्रदेश नामाङकन भैसकेपछि पहिचान वाला समुहबाट विभिन्न विरोधको कार्यक्रम भए र विरोधका बाबजुत कुनै अप्रिय घटना हुन पाएन ।

यस अघि नै चार वटा जिल्लाको प्रमुख जिल्ला अधिकारी र चितवन र सिरहाको सहायक सिडियो चलाइसकेका सहायक सिडियो भएर चलाइसकेका कारण उनले गृह प्रशासनको सबैभन्दा ठूलो समस्या अभिलेख प्रणाली रहेको औल्याइसकेका थिए । हरेक जसो जिल्ला प्रशासन कार्यायसँग नागरिकताको अभिलेख त छ तर झूत्रो भएर हेर्न वा पढ्न सकिने स्थिती छैन ।

त्यही कारण सबै अभिलेख कम्यटुराइज गरिएको छ । गृहबाटै सोही खालको परिपत्र भएपछि सबै जिल्ला प्रशासन कार्यालयले अभिलेख कम्युटरराइज त गरेको छ तर तुलनात्मक रुपमा अन्य जिल्लाकोभन्दा उदयपुरको अभिलेख असाध्यै राम्रो छ । गौतमका अनुसार,अहिले ६० सालको कुनै नागरिकतासम्बन्धि विवाद उत्पन्न भएको खण्डमा अनुसूची समेत फेला पार्न सक्ने गरि अभिलेख राख्ने काम गरेको छ उदयपुर प्रशासनले ।

अर्काे समस्या छ, जिल्ला प्रशासन कार्यालयमा कर्मचारी टिकाउन । कर्मचारी टिकाउनका लागि सेवा सुविधा उपलव्ध गर्नेदेखि उत्प्रेरित गर्ने काममा समेत उत्तिकै सक्रिय छन् गौतम ।