तीन महिनापछि डोटीमा प्रजिअ
गृह मन्त्रालयले तीन महिनापछि डोटीमा प्रमुख जिल्ला अधिकारी खटाएको छ । डोटी विगत तीन महिनादेखि प्रजिअविहीन बनेको थियो ।
Advertisement 1
निमित्त प्रजिअका भरमा सञ्चालन भइरहेको जिल्ला प्रशासन कार्यालयमा मन्त्रालयले शंकरबहादुर विष्टलाई प्रजिअ तोकेको हो । विष्टले यसअघि पनि जिल्लामा सहायक प्रमुख जिल्ला अधिकारी भएर कामकाज सञ्चालन गर्दै आएका थिए ।
डोटीका प्रमुख जिल्ला अधिकारी सुनिल खनाल गत असारमा गृह मन्त्रालयमा सरुवा भएपछि डोटी प्रजिअ विहीन भएको थियो । खनाल सरुवा भएर गएपछि निमित्त प्रजिअ किरण जोशीले कामकाज चलाउँदै आएका थिए । प्रजिअ र प्रशासकीय अधिकृत समेत नहुँदा जिल्लामा काम गर्न निकै समस्या भएको थियो ।
प्रकाशित :२०७८ आश्विन १७, आईतवार १०:३६
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
