Advertisement 1

साढे १० करोड अकुतमा डामिएका एक उपसचिवले विशेषबाट सफाइ पाएका छन् ।

भन्सारमा कार्यरत तत्कालीन उपसचिव कृष्ण बस्नेतले हालसालै विशेष अदालतबाट भ्रष्टाचारको आरोपबाट उन्मुक्ति दिएको हो ।

Advertisement 2

तीन वर्षअघि उपसचिव बस्नेतमाथि पदीय जिम्मेवारीको दुरुपयोग गरेर १० करोड ५६ लाख भ्रष्टाचार गरेको आरोप लागेको थियो । उनले तातोपानी भन्सारमा प्रमुख छँदा उक्त रकम तलमाथि गरेको आयोगको अनुसन्धानबाट खुलेको हो ।

उनको भ्रष्टाचारको सम्पत्ति लुकाउने उनका श्रीमतीदेखि ससुराली खलक प्रयोग गरिएको अख्तियारको प्रारम्भिक अनुसन्धानबाट देखिएपछि उनका जेठान नवीनकुमार गौलीसहित ५ जनाबिरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दायर गरेकोमा विशेषले उनलाई सफाइ दिएको हो ।

बस्नेत तातोपानीदेखि बिराटनगरसम्म सधैं आकर्षक भन्सारमा कार्यरत रहेका राजस्व समूहका उपसचिव हुन्। त्यसअघि
बस्नेत बिराटनगर भन्सारको प्रमुख चलाए । यस्तै उनी बिराटनगरको भन्सार प्रमुख हुँदा एक ट्रक सामानको १८ लाख रुपैयाँ भन्सार शुल्क लिनुपर्नेमा २ लाख रुपैयाँ लिएर छाड्ने गरेको उजुरी अख्तियारमा परेको थियो ।

भोजपुर षडानन्द नगरपालिका वडा नम्बर ११ स्थायी वतन भई काठमाडौं ४ धुम्बाराही बस्ने २०४५ सालमा लेखापाल पदमा सार्वजनिक सेवा प्रवेश गरेर उपसचिव तहसम्म पुग्दा अकुत आर्जनमा डामिएका उनलाई अख्तियारले १० करोड ५६ लाख ९१ हजार ६ सय ९ रुपैयाँ ९१ पैसा कायम गरी भ्रष्टाचार मुद्धा दायर गरेकोमा अख्तियार हारेको छ ।