तीजको नाममा तडक भडक नगर्नु :-प्रमुख जिल्ला अधिकारी
जिल्ला प्रशासन कार्यालय, कास्कीले तीजमा तडकभडकका कार्यक्रम नगर्न आग्रह गरेको छ । तीज मनाउने नाममा विगतमा गरिएका तडकभडकसहितका खर्चिला कार्यक्रमले सामाजिक अपराध र विकृतिलाई प्रोत्साहन गरेको उल्लेख गर्दै प्रशासनले त्यस्ता खालका कुनै पनि क्रियाकलाप नगर्न अनुरोध गरेको हो ।
Advertisement 1
आज सूचना जारी गर्दै प्रशासनले आफ्नो परम्परा, सामाजिक रितिरिवाजलाई निरन्तरता दिने तथा सम्बर्द्धन गर्नेबाहेक कुनै पनि कार्य नगर्न भनेको छ । त्यस्तै, कुनै कार्यक्रम गर्नैपरेको खण्डमा प्रशासनबाट पूर्वस्वीकृति लिनुपर्ने जनाइएको छ ।
Advertisement 2
‘तीजको अवसरमा सार्वजनिक स्थल, पार्टी प्यालेसमा रकम संकलन गर्ने उद्देश्यले मेला, महोत्सव जिल्ला प्रशासन कार्यालयको पूर्व स्वीकृति बिना आयोजना नगर्नुहुन जानकारी गराइन्छ । सामाजिक अनुशासन कायम गर्ने यस कार्यमा राजनीतिक दल, नागरिक समाज, पेशागत संघसंस्थाहरु, सञ्चारकर्मीहरु र महिला सञ्जाल तथा जिल्लाबासीहरुबाट सहयोग हुने अपेक्षा गरिएको छ’, जारी सूचना उल्लेख छ ।
त्यस्तै, कसैले सूचनाविपरीत कार्यक्रमको आयोजना गरे–गराएमा प्रचलित कानुनबमोजिम कारबाही गर्ने प्रशासन कार्यालयको चेतावनी छ ।
