खानेपानी मन्त्रालयले ८ जना कर्मचारीहरुलाई अहिले काजमा खटाइरहेको विवरण इकर्मचारी डटकमले प्राप्त गरेको छ । जसमध्ये केही कर्मचारीलाई ४ बर्षदेखि काजमा कार्यरत रहेको भेटिएको छ ।

Advertisement 1

निजामति सेवा ऐन ०४९ को दफा १८ (क) मा निजामति कर्मचारीलाई निज कार्यरत रहेको मन्त्रालय, सचिवालय, आयोग, विभाग वा कार्यालयबाट सोही निकायको काममा मात्र अन्य स्थानमा काज खटाउन सकिने र यसरी काज खटाउँदा एक वर्षमा तीन महिनाभन्दा बढी अवधिको काज खटाउन नपाइने व्यवस्था छ ।

निजामति सेवा ऐन ०४९ को दफा १८ मा भएको व्यवस्थाविपरित कुनै पनि कर्मचारीलाई काजमा खटाइएमा त्यसरी काजमा खटिएको निजामति कर्मचारीले सो अवधिमा खाइपाई आएको तलब, भत्ता र अन्य सुविधा वापतको रकम काज खटाउने पदाधिकारीबाट सरकारी बाँकी सरह असुल उपर गरी बिभागीय कारबाही गरिने उल्लेख छ ।
तर खानेपानी मन्त्रालयले दुई जना सि डि ई,चार जना इञ्जिनियर,एक शाखा अधिकृत र तीन जना नायब सुब्बा तहका कर्मचारी काजमा खटाइएको विवरण इकर्मचारी डटकमले प्राप्त गरेको छ ।
खानेपानी मन्त्रालयले सबैभन्दा लामो समयदेखि काज खटाइरहेको छ नायब सुब्बा सरस्वती लम्सालाई उनको दरबन्दी खानेपानी मन्त्रालयमा छ र उनी काजमा कार्यरत छिन्, मेलम्ची खानेपानी विकास समिति,पानीपोखरीमा रहेको छ । लम्साल ०७६ साल वैशाख २३ गतेदेखि काजमा कार्यरत रहेकी छिन ।
यस्तै,आयोजना कार्यान्वयन निर्देशनालय,अनामनगरमा कार्यरत रहेका चन्द्रकुमार पाँ श्रेष्ठ,०७७ साल कार्तिक ५ गतेदेखि काजमा कार्यरत छन् भने हाल संघीय खानेपानी तथा ढल व्यवस्थापन आयोजना भक्तपुरमा कार्यरत नासु विरेन्द्र जंग शाही र अख्तियार दुरुपयोग अनुसन्धान आयोग टंगालमा खटाइएका नासु दिपेन्द्र केसी ०७९ चैत्र १५ गतेदेखि काजमा खटिएका हुन ।

Advertisement 2

सह लगानी खानेपानी तथा सरसफाई आयोजना आयोजना व्यवस्थापन कार्यालय पानीपोखरीमा कार्यरत सिडिइ ।ाजु महत,अधिकार सम्पन्न बाग्मती सभ्यता एकीकृत विकास समितिमा रोजिना अधिकारी,आयोजना कार्यन्वयन निर्देशनालय अनामनगरमा कार्यरत इञ्जिनियर सुरेश श्रेष्ठ,संघीय खानेपानी तथा ढल व्यवस्थापन आयोजना भक्तपुरमा कार्यरत इञ्जिनियर सुरेश आचार्य,खानेपानी तथा ढल व्यवस्थापन व्यवस्थापन विभागमा खटाइएका इञ्जिनियर मोहन पोखरेल पनि काजमै खटाइएका छन् ।
यही साउनदेखि शाखा अधिकृत दिपेन्द्रराज अधिकारीलाई खानेपानी तथा ढल व्यवस्था विभागमा खटाइएका छ । अधिकारी बाहेक अरु कर्मचारीहरु कोही दुई बर्ष त कोही बर्ष दिनदेखि काजमा खटाइएको हो ।

शक्तिकेन्द्र र राजनीतिक पहुँचका आधारमा कतिपय कर्मचारीलाई काजमाथि फेरि काजमा आकर्षक सरकारी निकायमा सरुवा गर्ने विकृती बढ्दै गएको कतिपय प्रशासकहरुको चिन्ता पोख्दै आएका छन् ।

काज सरुवा बढीमा तीन महिना र कामकाज सरुवा अर्को व्यवस्था नभएसम्मका लागि हुने गरेको छ। पछिल्लो समय निजामती ऐनले समेत नचिन्ने कामकाजका नाममा कर्मचारी खटाउने प्रवृत्ति मौलाउदै गएको छ । तर आयोजनाहरुमा काजमा कर्मचारी खटाउनुलाई जायजै मान्छन् ।