काठमाडौं । गृह मन्त्रालयले नौ जना प्रमुख जिल्ला अधिकारी (सीडीओ)सहित २२ जना अधिकारीको सरुवा गरेको छ ।

Advertisement 1

उपप्रधान एवम गृहमन्त्री रबी लामिछानेले मंगलबार मन्त्रीस्तरीय निर्णय गर्दै उनीहरुको सरुवा गरेका हुन् ।

जसमा संखुवासभाका प्रमुख जिल्ला अधिकारी शिवकुमार कार्कीको खोटागको प्रमुख जिल्ला अधिकारीको जिम्मेवारी दिइएको छ भने अर्घाखाचीका प्रमुख जिल्ला अधिकारीको कमलराज ढकालको कमलराज ढकालको गृह मन्त्रालयमा सरुवा भएको छ ।

Advertisement 2

यस्तै ओखलडुंगाका प्रमुख जिल्ला अधिकारी चेतराज बरालको कारागार कार्यालय मोरगको जेलरमा सरुवा भएको छ । यस्तै जाजरकोटका प्रमुख जिल्ला अधिकारी सुरेश सुनारको अध्यागमन कार्यालय गौतमबुद्ध अन्तराष्ट्रिय विमानस्थल भैरहवामा बरिष्ठ अध्यागमन अधिकृतको रुपमा सरुवा भएको छ ।

रोल्पाका प्रमुख जिल्ला अधिकारी परमानन्द घिमिरेको कैलालीको सहायक प्रमुख जिल्ला अधिकारीमा सरुवा भएको छ भने दार्चुलाका प्रमुख जिल्ला अधिकारी किरण जोशीको कैलालीको सहायक प्रमुख जिल्ला अधिकारीमा सरुवा भएको छ ।

ताप्लेजुंगका प्रमुख जिल्ला अधिकारी हिरादेवी पौडेलको गृह मन्त्रालयमा सरुवा हुदाँ तेह्रथुमका प्रमुख जिल्ला अधिकारी कृष्ण पौडेलको विपद् जोखिम न्यूनीकरण तथा व्यवस्थापन प्राधिकरणमा सरुवा भएको छ ।

यस्तै कैलालीका सहायक प्रमुख जिल्ला अधिकारी यज्ञराज जोशीको दार्चुलाको प्रमुख जिल्ला अधिकारीमा सरुवा हुदाँ  सल्यानको प्रमुख जिल्ला अधिकारीको जिम्मेवारीमा रहेर विपद् जोखिम न्यूनीकरण तथा व्यवस्थापन प्राधिकरणमा काजमा रहेका रविन्द्र आचार्यको ताप्लेजुंगको प्रमुख जिल्ला अधिकारीमा सरुवा भएको छ ।

यसैविच लामो समयदेखि रिक्त रहेको अध्यागमन विभागको महानिर्देशको जिम्मेवारी गृह मन्त्रालयमा कार्यरत सहसचिव कोषहरी निरौलालाई पठाइएकाे छ ।