सरकारले सहसचिव मुकुन्द पौड्याललाई सचिवमा बढुवा गरेको छ । हिजो बालुवाटारमा बसेको मन्त्रिपरिषद् बैठकले सहसचिव पौडेललाई सचिवमा बढुवा गरेको हो । हालै अवकाश पाएका लोक सेवा आयोगका अध्यक्ष उमेश मैनालीको अध्यक्षतामा बसेको बढुवा समितिले सचिव बढुवाका लागि सहसचिव पौड्याललाई पहिलो नम्बरमा सिफारिस गरेको थियो । उनीसँगै बढुवाका लागि सहसचिवद्धय दामोदर रेग्मी र गणेश प्रसाद पाण्डेको नाम मन्त्रिपरिषदमा सिफारिस गरेको थियो । रेग्मी स्वास्थ्य तथा जनसंख्या मन्त्रालयमा र पाण्डे उद्योग वाणिज्य तथा आपुर्ती मन्त्रालयमामा कार्यरत छन् । पौडेल हाल राष्ट्रिय सूचना आयोगका सचिवको जिम्मेवारीमा छन् । सचिव बढुवा भएसँगै उनी सम्भवत गण्डकी प्रदेशको प्रमुख सचिव भएर जानेछन् । गत चैत दुइ गते गण्डकी प्रदेश प्रमुख सचिवबाट बिष्णु प्रसाद नेपालले अवकाश पाएपछि एक सचिवको पद रिक्त छ ।