गृह मन्त्रालयले दुई उपसचिव र एक जना सहसचिव तहका कर्मचारीको सरुवा गरेको छ । गृहले अछामका प्रमुख जिल्ला अधिकारी सहसचिव शिवराज न्यौपानेलाई गृह मन्त्रालयमा तानेर त्यहाँ उपसचिवलाई सिडिओको जिम्मेवारी दिएर पठाएको छ । न्यौपाने २०८० जेष्ठ ७ मा प्रमुख जिल्ला अधिकारीको जिम्मेवारी सम्हाल्न पुगेका थिए । उनी साढे २ महिनामै फिर्ता बोलाइएका हुन । स्वास्थ्यको समस्याका कारण उनी दुई महिनामै फिर्ता भएका हुन । गृह स्रोतका अनुसार उनी साउन ५ गतेदेखि नै अछामबाट बिदा लिएर स्वास्थ्य उपचारका लागि हिडेका थिए ।
अछाम जिल्ला प्रशासन कार्यालय सहसचिवको दरबन्दी भए पनि त्यहाँ जाने सहसचिव नभएपछि मन्त्रालयका सिनियर उपसचिवलाई सिडियो बनाएर खटाइएको गृहले जनाएको छ । गृहको बरण्डामा अहिले सहसचिव जयनारायण आचार्यमात्र छन् ।
गृहले जाजरकोटमा उपसचिव सुरेश सुनारलाई पठाइएको छ । सुनारको यो गृह जिल्ला हो । जिल्लाको भेरी नगरपालिका ४ स्थायी घर भएका उपसचिव सुरेश सुनार देशकै कान्छो सिडिओको रुपमा रेकर्ड राख्न सफल थिए । उनले यस अघि बझाङको सिडिओ चलाएका थिए पनि बाँके जिल्लाको सहायक प्रमुख जिल्ला अधिकारीका रुपमा कार्यरत थिए । शाखा अधिकृतका रुपमा निजामति सेवामा प्रवेश गरेका उनले गत वर्ष लोकसेवा आयोगले लिएको परीक्षामा उपसचिव पदमा नाम निकालेका थिए । उपसचिव भएलगत्तै उनी बाँकेको सहायक प्रजिअ चलाएका थिए ।

Advertisement 1

गृहले मोरङका सहायक प्रमुख जिल्ला अधिकारी उपसचिव शरद कुमार पोखरेललाई अछामको प्रमुख जिल्ला अधिकारीको जिम्मेवारी तोकेको छ । पोखरेल ७७ चैत्रदेखि त्यहाँ सहायक सिडियोको रुपमा कार्यरत रहदै आएका थिए । यस अघि गृहले सहसचिव सन्त बहादुर सुनारलाई खोटाङको प्रमुख जिल्ला अधिकारी बनाएर पठाएको छ ।