दमक नगरपालिकाका प्रमुख प्रशासकीय अधिकृत डम्बरुप्रसाद निरौलाले कार्यालयको क्वार्टरभित्रै एक महिलासँग गरेको अनैतिक गतिविधिको भिडियो सामाजिक सञ्जालमा ‘भाइरल’ भएपछि नगरपालिका प्रवेस तथा हाजिर गर्न नदिन माग गरेका छन् । दमक नगरपालिका कार्यपालिका १५ सदस्यहरुले प्रेस विज्ञप्ति निकालेर प्रमुख प्रशासकीय अधिकृत निरौलालाई नगरपालिकामा प्रवेस तथा हाजिर गर्न रोक लगाउन माग गरेका हुन् ।

Advertisement 1

अधिकृतको क्वार्टरमा मदिरा सेवन गरी लठ्ठ भएकी एक महिलाले आफ्नो टिकटक लाइभमै निरौलासँग अनैतिक गतिविधि र संवाद गरेको देखिन्छ । भिडियोमा देखिने महिलाले निरौलालाई श्रीमानको रुपमा सम्बोधन गरे पनि उनी निरौलाकी पत्नी भने होइनन् । भिडियोमा महिलालाई अंकमाल गर्दै निरौला मदिराले लठ्ठ देखिएका छन् । निरौलाका दुई सन्तान र श्रीमती भने काठमाडौंमा बस्दै आएका छन् ।

विगतमा ताप्लेजुङको प्रमुख जिल्ला अधिकारी भएका बेला पनि निरौला यस्तै गतिविधिका कारण कारबाहीमा परेका थिए । करिब ५ वर्षअघि झापामा सहायक प्रमुख जिल्ला अधिकारी रहेका बेला उनी जग्गा किर्ते काण्डमा संलग्न भएको पाइएको थियो । सामाजिक सञ्जालमा निरौलाको भिडियो भाइरल बनिरहँदा विभिन्न दलका स्थानीय नेता तथा अगुवाहरूले उनको हर्कतको भर्त्सना गर्दै आलोचना गरिरहेका छन् ।

Advertisement 2

सरकारी क्वार्टरमा महिलासँगको अश्लील गतिविधि गरेको भिडियो बाहिरिएपछि निरौलाले क्वाटरको रङरोगन गर्न लगाएका छन् । टिकटक भिडियो लाइभमा देखिएको हरियो रंग बदलेर उनले कोठामा पहेंलो रंग लगाएका छन् । उक्त कोठामा देखिएको एसीले भिडियो सार्वजनिक भएको कोठा नगरपालिकाकै क्वार्टर भएको पुष्टि हुन्छ । आइतबार रङरोगन गर्दै गरेको भिडियो पनि सार्वजनिक भएको छ जहाँ ‘अधिकृत बच्ने गरी हरियो हट्ने गरी’ रङरोगन गर्न कामदारलाई अह्राएको देखिन्छ ।