परराष्ट्र सेवाबाट मुख्यसचिव बनेका शंकरदास वैरागी आफैं कार्यविधि बनाएर राष्ट्रिय सुरक्षा सल्लाहकार हुन गएको घटनाक्रम सेलाउन नपाउँदै अहिलेका सचिव भरतरात पौडयाललाई पनि राजदूत बनाएर पठाउन लागिएको छ ।

Advertisement 1

परराष्ट्र स्रोतका अनुसार सचिव भरतराज पौडयाललाई न्युयोर्कस्थित नेपाली स्थायी प्रतिनिधि बनाएर पठाउने तयारी भित्रभित्रै चलिरहेको छ । आगामी मंसिर २० गते अवकाशमा जान लागेका सचिव भरतराज पौडेललाई स्थायी प्रतिनिधि बनाएर पठाइएको खण्डमा सिनियर सहसचिव सेवा लम्साल समय अगावै परराष्ट्र सचिव बन्दैछिन्
।
शंकरदास वैरागी मुख्य सचिव बनेपछि सिनियर सहसचिव भएका आधारमा पौडेल मन्त्रालयका सचिव बनेका थिए । पौडेल पछि परराष्ट्रका सनियर सहसचिवमा सेवा लम्साल र अमृतकुमार राई छन् । अहिलेसम्म परराष्ट्रमा बरिष्ठता नमिचिएका कारण सेवा लम्साल सचिव बन्ने प्रवल सम्भवना छ,भनिदैंछ ।

पाकिस्तानको इस्लामावादस्थित नेपाली नियोगबाट ४ वर्षे राजदूत कार्यकाल पूरा गरेर फर्केकी लम्साल मन्त्रालयको प्रवक्ताको भूमिकामा छिन् । लम्सालले यस अघि नै न्यूयोर्क मिसनमा समेत काम गरेकी छिन् ।
उनी परराष्ट्र मन्त्रालयको सचिव बनेमा पहिलो महिला सचिवको रुपमा रेकर्ड ब्रेक हुँदैछ । अबको लटमा सचिव भरत पौड्याललाई राजदूत सिफारिस गरिएको खण्डमा आगामी महिना नै परराष्ट्रले पहिलो महिला सचिव पाउनेछ भने कथं भरत राजदूत भएनन भने आगामी मंसिरमा उनी परराष्ट्र सचिव हुनेछिन्।

Advertisement 2

परराष्ट्रमन्त्री एनपी साउदले कम्तिमा ५० प्रतिशत परराष्ट्र सेवाबाटै लिइने बताउँदै आएका छन् । यसो हुँदा अहिले परराष्ट्रका क्याडरहरुमा सहसचिवहरू लोकबहादुर थापा, धनबहादुर ओली, रामप्रसाद सुवेदी, सुधीर भट्टराई, तेजबहादुर क्षेत्री, घनश्याम लम्साल, प्रकाशमणि पौडेल राजदूतका लागि प्रवल दाबेदार छन् ।

तर, यहीँ रहेका १३ सहसचिव बरण्डामा थुप्रिएका छन् । पद रिक्त हुनु तीन महिनाअघि नै नयाँ राजदूत सिफारिश भैसक्नुपर्ने निर्देशिका त छ । तर, उक्त निर्देशिका कार्यान्वयन हुनुको सट्टा उल्टै आफ्नालागि आफैं कार्यविधि बनाएर मुख्यसचिव राष्ट्रिय सुरक्षा सल्लाहकार हुन गएका छन् ।