विवादास्पद् संसद विकासको कोषको रकम मनपरी ढंगले बाँडिएको भेटिएको छ । संघीय सरकारले झैं जथाभावी रकम बाड्नमा प्रदेश र जिल्लाका नेताहरु समेत अग्रसर रहेका तथ्यहरु फेला परेका छन् ।
यो मामलामा अगाडि देखिए लुम्बिनी प्रदेशका गुल्मी जिल्लाका सांसदद्धय दिनेश पन्थी,डिल्लीराज भुसालहरु ।

Advertisement 1

सांसदको काम नीति निर्माण गर्ने र सम्बन्धित निकायलाई जवाफदेही बनाउने हुनुपर्ने भए पनि कोषका नाममा पैसा हालेर सांसदहरुलाई ठेकेदार बनाइएको भन्दै चर्काे विरोध हुँदै आएको थियो ।
अहिले सोही कोषको रकम पार्टी कार्यालय निर्माणमा हालिएको भेटिएको हो गुल्मीमा । सांसद विकास कोषको रकम मठमन्दिर बनाउने, पार्टी कार्यालय खोल्नेदेखि सामुदायिक भवन बनाउनेजस्ता अनुत्पादक काममा खर्च हुँदै आएको देखिदै आएको थियो ।
यस्तै देखिएको हो गुल्मी क्षेत्र नम्बर दुईमा एमालेका तर्फ बाट संघ र दुइवटै प्रदेश क र ख मा क्रमश संघमा गोकर्ण बिष्ट र प्रदेशमा दिनेश पन्थी र डिल्लीराज भुसालले चुनाव जितेका छन् । उनीहरुले सांसद विकास कोषको रकममा मनलाग्दी गरेको भेटिएको हो । सांसद विकास कोषको रकम एमालेको पार्टी कार्यालय बनाउन खर्चिएको भेटिएको हो ।

जिल्लामा काँग्रेसका स्वर्गीय नेता रुद्रमणि भण्डारीझैं शालिन नेताको परिचय बानएका एमालेबाट निर्वाचित प्रदेश सांसद दिनेश पन्थीले भने २०८०÷०८१ को बजेटमा सांसद बिकाष कोष मार्फत खर्च गर्ने गरी आएको दुई करोड पच्चिस लाख रुपैया मध्य प्रदेश सरकारको खानेपानी, ग्रामिण तथा शहरी विकास मन्त्रालयबाट शहरी विकास तथा भवन कार्यालय पाल्पाबाट कार्यान्वयन हुने गरि गुल्मी निर्वाचन क्षेत्र नम्बर दुइ अन्तर्गत आफ्नै निर्वाचन क्षेत्रका (धुर्कोट,मालिका र मदाने गाँउपालिका अन्तर्गत) का विभिन्न स्थानमा मदन आश्रित तथा अन्य कार्यकर्ताको स्मृतिका नाममा एमालेका पार्टी कार्यालय बनाउने गरी राज्यको लाखौं रकम बिनियोजन गरिएको भेटिएको छ ।
सांसद विकास कोषको रकमले देवीस्थान प्रगतिशील महिला समूह धुर्कोट ६ दश लाख बाहेक एमालेका नेता कार्यकर्ताको स्मृतिमा भवन निर्माण शिर्षकमा बजेट छुट्टाइएको भेटिएको छ ।
प्राप्त विवरण अनुसार ददिराम स्मृति भवन निर्माण (मालिका–४अर्खबाङ्ग) का लागि २० लाख, मदन–आश्रित स्मृति भवन निर्माण (मालिका–७ घमिरमा) शीर्षकमा १० लाख, मदन–आश्रित स्मृति भवन निर्माण (धुर्कोट–२ पिपलधारा) १० लाख, बोमबहादुर–टोमलाल स्मृति भवन निर्माण (धुर्कोट–४जैशिथोक)का लागि १५ लाख रकम बाँडिएको तथ्य फेला परेको छ ।
यस्तै मदन–आश्रित स्मृति भवन निर्माण (मदाने–४,म्यालपोखरी)का लागि १० लाख रकम छुट्टाइएको भेटिएको छ । यस्का अलवा आश्रित स्मृति भवन निर्माण (मदाने–६, पुर्कोट दह)का लागि २० लाख छुट्टाइएको छ । यी सबै गरी ८५ लाख छुट्टाइएको छ ।

Advertisement 2

शालीन नेताको छवि बनाएका पन्थीले यो काम स्वबिवेकले गरे वा पार्टीको दबाबमा ? यो त समयक्रमले नै बताउँला । लुम्बिनी प्रदेशले कुनै पनि योजनामा दश लाख भन्दा कम खर्च गर्न नपाइने भनेको छ तर विगतमा सांसद बिकास कोष मार्फत पार्टीका कार्यकर्ताका संघसस्था, उपभोक्ता समिती मार्फत बिभिन्न शीर्षकमा खर्च हुँदै आएकोमा यस पटक पार्टीका नेता तथा उनीहरुको स्मृतिका नाममा पार्टीका भवन निर्माण गर्नेमा खर्च गरिएको भेटिएको हो ।
यस सन्र्दभमा प्रदेश सांसद पन्थीसँग इकर्मचारी डटकमले जिज्ञासा राख्दा राष्ट्र निर्माण र परिवर्तनमा शहीदहरुको योगदानलाई लौरा तर्यो,खोला बिर्सियो गर्न नहुने प्रतिक्रिया दिए । टेलिफोन संवादमा उपलव्ध भएका पन्थीले सुशील कोइराला,विपी कोइरालाहरुका नाममा समेत प्रतिष्ठान बनेका र ती प्रतिष्ठानहरुका नाममा समेत बजेट विनियोजन भएको उल्लेख गर्दै प्रतिष्ठानका नाममा रकम हाल्न पाइने तर त्यसको प्रभावकारी अनुमगन हुनुपर्ने प्रतिक्रिया दिएका छन् ।

सांसद विकास कोषको रकमले पार्टी कार्यालय बनाउन खोजिएपछि उक्त कार्यक्रम रोक्न र राज्यको सम्पत्ति भन्दै लुम्बिनी प्रदेश सरकार, खानेपानी ग्रामिण तथा शहरी विकास मन्त्रालय, लुम्बिनी प्रदेश, देउखुरी, दाङ र शहरी विकास तथा भवन कार्यालय पाल्पाका साथैं नेकपा (एमाले), गुल्मी लाई बिपक्षी बनाएर अख्तियारमा उजुरी परेको छ,अनलाइन मार्फत ।
उता नवलपरासी बाट स्वतन्त्र उमेद्धारी दिइ प्रदेश सांसद जितेका खड्ग बस्नेतले भने सांसद बिकास कोष मार्फत आएको दुई करोड २५ लाख रुपैया बिद्यालय भवन निर्माण,शुन्य फाहोर अभियानका अलवा खेलकुदको क्षेत्रमा सहयोग पुग्ने गरी खर्च गर्ने योजना बनाए पछि वाहवाही पाएका छन् ।