लिखित र ट्रायल फेल भएका ४६३ जनालाई लाइसेन्स दिने यातायात प्रमुखसहित तीनविरुद्ध भ्रष्टाचार मुद्दा
सवारी चालक अनुमति पत्रको लिखित तथा ट्रायल परीक्षामा अनुत्तीर्ण ४६३ जनालाई परीक्षाको परिणाम हेरफेर गरी उत्तीर्ण गराउने यातायात व्यवस्था कार्यालय धनगढीका तत्कालीन कार्यालय प्रमुख लक्ष्मण शाहीसहित ३ जनाविरुद्ध भ्रष्टाचार मुद्दा दर्ता भएको छ ।
Advertisement 1
यातायात व्यवस्था कार्यालय धनगढीका तत्कालिन कार्यालय प्रमुख लक्ष्मण शाहीसहित तीन जनाविरुद्ध विशेष अदालतमा भ्रष्टाचार मुद्दा दायर भएको छ ।
सवारी चालक अनुमतिपत्र (लाइसेन्स) परीक्षामा फेल भएका विद्यार्थीलाई उत्तीर्ण गरी अख्तियार दुरुपयोग गरेको अभियोगमा शाहीसहित सहायक कम्प्युटर अप्रेटर नरेन्द्रकुमार कठरिया र कम्प्युटर अप्रेटर पवनकुमार रावलविरुद्ध अख्तियार दुरुपयोग अनुसन्धान आयोगले आज मुद्दा दायर गरेको हो ।
Advertisement 2
कार्यालयका तत्कालिन प्रमुख शाहीले आर्थिक वर्ष २०७८ ०७९ मा लाइसेन्सको लिखित परीक्षामा फेल एक सय ८० जना विद्यार्थी उत्तीर्ण गराएर प्रयोगात्मक परीक्षामा सहभागी गराएको अख्तियारको दावी छ । त्यस्तै, आरोपपत्रमा ट्रायलमा फेल भएका २२३ र सहभागी नै नभएका ३९ जना गरी ४६३ जनाको परिणाम फेरबदल गराएको उल्लेख छ ।
उनीहरुमाथि भ्रष्टाचार निवारण ऐन, २०५९ को दफा १३ बमोजिम कैद र जरिवाना सजायको मागदाबी गरिएको अख्तियारले जनाएको छ ।
Advertisement 3
