स्थानीय तहको मेयर वा गाउँपालिका अध्यक्ष,उपमेयर बन्न चार जना कर्मचारीले राजीनामा दिएका छन् । जसमध्ये उपसचिव तहका दुई जना कर्मचारी रहेका छन् भने अधिकृतस्तरका दुई जना कर्मचारी रहेका छन् ।
गत चैत्र २४ गते नै अधिकृत कञ्चनराज गिरीले पदबाट राजीनामा दिएका थिए । उनी स्वतन्त्र रुपमा वनेपाबाट मेयरका उम्मेद्धार बनेका उनी चुनावी प्रचार प्रसारमा होमिसकेका छन् । गिरी २१ पटकसम्म लोकसेवा भिडेर असफलता झेलेका र २२ औं पटकमा अधिकृतमा नाम निकाल्न सफल भएका व्यक्ति हुन जो कालीगण्डकी ए जलविद्युत आयोजनामा प्रशासन प्रमुखको रूपमा कार्यरत रहँदै आएका थिए । उनले सरकारी जागिर खाएको ४ महिना २४ दिनमै राजीनामा दिएका थिए ।
गिरीझैं संघीय मामिला तथा सामान्य प्रशासन मन्त्रालयका उपसचिव बिष्णुप्रसाद भुषालले पनि राजीनामा दिएर चुनावी मैदानमा होमिसकेका छन् । भुषाल संघीय मामिला तथा सामान्य प्रशासन मन्त्रालयको अतिरिक्त समूहमा थिए । एक महिना देखि उनलाई मन्त्रालयको अक्तिरिक्त समूहमा राखिएको थियो । नौ बर्ष अघि नै उपसचिवमा बढुवा भएका भुषालसँग १२ बर्ष स्थानीय तहमै काम गरेको अनुभव छ । उनी नवलपुरको देवचुली नगरपालिकाको मेयर लड्न पदबाट राजीनामा दिन लागेका हुन्। निजामती सेवामा २२ वर्ष बिताएका भुसालले नेपाली कांग्रेसबाट उम्मेदवार बन्ने बताएका छन् ।
यसैबीच सोही जिल्लाको बुलिङटार गाउँपालिकाको अध्यक्ष पदमा चुनाव लड्न डोलराज पाण्डेले उपसचिवबाट स्वेच्छिक अवकाश लिएका छन् । २८ बर्षसम्म निजामती सेवा गरेका पाण्डेले शिक्षा विकास तथा समन्वय इकाई पश्चिम नवलपरासीको उपसचिवबाट स्वेच्छिक अवकाश लिएर काँग्रेस पार्टीबाट चुनाव लड्न लागेका हुन । उनी उमेर हदका कारण अर्को बर्ष अवकाश पाउन लागेका छन् । भुसालले भने अवकाश पाउन ४ बर्ष बाँकी छ ।
यस्तै लामो समय नेपाल आयल निगममा कार्यरत रहेका गोपालचन्द्र राईले पनि राजीनामा दिएर राजनीतिमा होमिएका छन् ।
लोक सेवा आयोगले लिएको परीक्षाबाट ०६९ सालमामा नेपाल आयल निगमको इन्धन डिपो धनुषाबाट शुरु गरेको स्थायी जागिरे जीवन प्रारम्भ गरेका राई ७९ साल वैशाख ९ गते उनले अधिकृत सातौ तहबाट राजीनामा दिएर राइ खोटाङको दिप्रुङ चुइचुम्मा गाउँपालिकाबाट अध्यक्षमा भिड्दैछन्,माओवादी कोटाबाट ।