सायद यही होला मस्त्य न्याय भनेको । करोडौं आर्थिक हिनामिनामा मुछिएका एक उपसचिवलाई कारवाही गर्न नसकेको स्वास्थ्य तथा जनसंख्या मन्त्रालयको नेतृत्वले स्टाटस लेखेकै कारण एक जना कर्मचारीलाई तीन दिने स्पष्टीकरण सोधेको छ ।

Advertisement 1

कोरोनाको कहरमा भानुभक्त ढकालले सिनियर चिकित्सकलाई कारवाहीको भाँटा बर्साएकै शैलीमा उसैगरी स्वास्थ्यमन्त्री मोहन बस्नेतले अर्काे चिकित्सकलाई तीन दिने स्पष्टीकरण पत्र काटेका छन् ।
बरिष्ठ सरुवा रोग विशेषज्ञ डा.शेरबहादुर पुनले सञ्चारमाध्यमहरुमा कोरोनाका विषयमा जथाभावि अभिव्यक्ति दिएको,मर्यादा विपरित गतिविधि गरेको ठहर गर्दै ढकाल स्वास्थ्यमन्त्री हुँदा स्पष्टिकरणमात्र सोधिएन स्वास्थ्य मन्त्रालयमै तानिएको थियो । उही शैलीमा वरिष्ठ आयुर्वेद कन्सल्ट्यान्टमाथि डण्डा बर्साइएको छ,कारण सामाजिक सञ्जालमा लेखेको बिषय ।

संघीय लोकसेवा आयोग पास गरेका सबै स्वास्थ्यकर्मीहरुलाई संघमा राखेर परिचालन गर्नुपर्ने विचार सामाजिक सञ्जालमा पोखेको बाहनामा नरदेवी आयुर्वेद औषधालयका वरिष्ठ आयुर्वेद कन्सल्ट्यान्ट डा. बुद्धिप्रसाद पौलेलले मन्त्रीको निशानामा परेका हुन ।

Advertisement 2

उनले लेखेका थिए ‘तीन वटा सरकारको जुँगाको लड़ाइँले स्वास्थ्य सेवा ध्वस्त उन्मूख छ । सबै स्थानीय तह आफ्नो स्रोतबाट कर्मचारी पाल्न सक्षम छैनन् । स्वास्थ्यकर्मीले सेवा, सुविधा र पदोन्नतीमा असुरक्षित महसुस गरेका छन् । विशेषज्ञहरुले आत्म सम्मानपूर्वक सेवा संचालन गर्न सकिरहेका छैनन,तेरो मेरो नभनी स्वास्थ्य संस्था र स्वास्थ्यकर्मीलाई संघमा राखेर परिचालन गरौं । संघको लोकसेवाबाट छनोट भएका स्वास्थ्य र प्रशासन सेवाका कर्मचारीहरुको विभेद्पूर्ण समायोजनलले दीर्घकालमा संघीयतामाथि नै समस्या ल्याउने देखिन्छ ।’
यो स्टाटसले मन्त्रालयका मन्त्री र सचिवहरुको कनपारो तातेको पाइएको छ ।डाक्टरमाथि स्वास्थ्य सेवा ऐन, २०५३ विपरित को काम गरेको भन्दै तीन दिने स्पष्टीकरण मागिएको छ ।
डा पौडेलले भने आफूले स्वास्थ्य क्षेत्र सुधारका लागि ट्रेड युनियन, पेशागत संगठनले उठाउँदै आएका कुरालाई सामाजिक सञ्जालमा व्यक्त गरेको प्रतिक्रिया दिएका छन् ।

यो घटना प्रति नेपाल स्वास्थ्यकर्मी संघदेखि हेल्थ असिस्टेन्ट एसोसिएसन नेपाल (हान) लगायतका स्वास्थयकर्मीहरुको पेशागत संघ संगठन र ट्रेड युनियनहरुसंग विरोध गरेका छन ।

स्मरण रहोस यही स्वास्थ्य तथा जनसंख्या मन्त्रालयले एक जना भ्रष्ट उपसचिवलाई काँध थापेको छ ।
झण्डै ५ सय थान ल्यापटप खरिद गरेर झण्डै २ करोड २५ लाख नाफा खाने योजना बनाएका स्वास्थ्य सेवा विभागमा उपसचिव अनिल थापाको सरुवा भएर उद्योग वाणिज्य तथा आपूर्ति मन्त्रालयमा पुगेको महिना दिनमै सरुवा उल्टाएर पूरानै ठाउँमा फर्कन सफल भएका छन् । विभागीय मन्त्रालय अर्थ मन्त्रालयलाई समेत गुमराहमा राखेर ५ सय थान ल्यापटप वैदेशिक सहायतमा भित्र्याउने योजना बनाएका उपसचिव अनिल थापाले महिना दिनमै आफ्नो सरुवा उल्टाएर स्वास्थ्य मन्त्रालयमा फिट भइसकेका छन्,उनलाई पुन विभागमा फर्काउने चलखेल भइरहेको छ ।