निजामती प्रशासनमा थपिने भयो सूचना प्रविधि सेवा
निजामती प्रशासनमा सूचना प्रविधि सेवा थपिने भएको छ । सञ्चार तथा सूचना प्रविधि मन्त्री रेखा शर्माले निजामती प्रशासनभित्र नै छुट्टै सूचना प्रविधि सेवा थप गर्ने लागिएको बताएका हुन । नयाँ निजामती विधेयकमा अन्य सेवा जस्तै सूचना प्रविधि सेवा थप गर्न लागिएको हो । हाल सामान्य प्रशासनबाट अर्थ र कानुन मन्त्रालयमा पुगेको विद्येयक त्यस्तो विशिष्टिकृत सेवा थप गर्न लागिएको हो ।
Advertisement 1
नेपालको संविधानको धारा २४३ अन्तर्गत स्पष्टीकरणमा “निजामती सेवाको पद” भन्नाले सैनिक वा नेपाल प्रहरी वा सशस्त्र प्रहरी बल, नेपालको कर्मचारीको सेवाको पद तथा निजामती सेवाको पद होइन भनी ऐन बमोजिम तोकिएको अन्य सेवाको पद बाहेक नेपाल सरकारका अरु सबै सेवाको पद सम्झनु पर्छ भनी उल्लेख गरिएको छ साथै निजामती सेवा ऐन, २०४९ को दफा ३ बमोजिम गठन भएका सेवालाई निजामती सेवा भनिन्छ । यो सेवाभित्र
नेपाल आर्थिक योजना तथा तथ्याङ्क सेवा,नेपाल कृषि सेवा,नेपाल परराष्ट्र सेवा,नेपाल लेखापरीक्षण सेवा,नेपाल विविध सेवा,नेपाल इञ्जिनियरिङ्ग सेवा,नेपाल न्याय सेवा,नेपाल प्रशासन सेवा,नेपाल वन सेवा,नेपाल शिक्षा सेवाका अलवा संसद सेवा र नेपाल स्वास्थ्य सेवा समेतलाई समावेश गरिएको छ । यसैमा अब सूचना प्रविधि सेवा थप गर्न लागिएको मन्त्री शर्माले बताएकी हुन ।
सूचना तथा प्रविधिको क्षेत्रलाई कार्यरत जनशक्तिलाई विशेष प्राथमिकतामा राख्नेगरी निजामती कर्मचारी कार्यरत जनशक्तिलाई व्यवस्थापन गर्न र सेवालाई आकर्षक बनाउनका लागि त्यस्तो सेवा थप गर्न लागिएको मन्त्री रेखा शर्माले जानकारी दिएकी हुन ।
Advertisement 2
विद्यमान निजामती प्रशासनभित्र सूचना तथा प्रविधिका क्षेत्रमा काम गर्ने जनशक्ति भए पनि सेवामा विविधीकरण नहुँदा कार्यसम्पादनमा समेत असर परेकाले यस्तो गर्न लागिएको हो ।
मन्त्री शर्माका अनुसार,निजामती प्रशासनभित्र स्थापना हुने त्यस्तो सेवामा कार्यरत कर्मचारीका लागि विशेष तालिम तथा प्रशिक्षणको व्यवस्थासमेत गरिनेछ ।
