अंग्रेजी नामको हिज्जे एकीन गर्न स्थानीय तहलाई सामान्यको परिपत्र
संघीय प्रशासन मन्त्रालयले स्थानीय तहलाई अंग्रेजी नामको हिज्जे एकीन गरेर पठाउन निर्देशन दिएको छ ।
Advertisement 1
संघ र प्रदेश सरकारका विभिन्न निकायले स्थानीय तहको अंग्रेजी नाम लेख्दा नागरिकता प्रमाणपत्र तथा राहदानी प्रमाणपत्रलगायतका सरकारी कागजातमा फरक हिज्जे हुन गई नागरिकले समस्या झेल्नु परेको भन्दै मन्त्रालयले यस्तो निर्देशन दिएको हो । मन्त्रालयका शाखा अधिकृत खम्बराज राईले ७५३ वटै स्थानीय तहलाई परिपत्र गर्दै सात दिनभित्र अंग्रेजी नामको हिज्जे एकीन गरेर पठाउन भनेका छन् ।
साथै, स्थानीय तहको अंग्रेजी नामको हिज्जेमा एकरुपता कायम गरेर राजपत्रमा प्रकाशन गर्ने तयारी भईरहेको पनि उनले जानकारी दिएका छन् ।
Advertisement 2
परिपत्रमा भनिएको छ, ‘नेपाल सरकार तथा प्रदेश सरकारका विभिन्न सार्वजनिक निकायले स्थानीय तहको अंग्रेजी नाम लेख्दा नागरिकता प्रमाणपत्र तथा राहदानी प्रमाणपत्रलगायतका सरकारी कागजातहरुमा फरक हिज्जे हुन गई नागरिकहरुले बारम्बार समस्या झेल्नु परेको अवस्था सिर्जना भएको सन्दर्भमा स्थानीय तहको अंग्रेजी नामको हिज्जेमा एकरुपता कायम गर्न राजपत्रमा प्रकाशन गरिने भएकोले संलग्न स्थानीय तहको अंग्रेजी नाम फरक भए सात दिनभित्रमा यस मन्त्रालयको इमेल ठेगानामा प्रमाणित गरी पठाइदिनुहुन आदेशानुसार अनुरोध छ ।’
https://www.mofaga.gov.np/detail/2946
