‘आफ्नै हात जगन्नाथ’को उखान चरितार्थ भएको छ कालिकोट जिल्लाको सान्नीत्रिवेणी गाउँपालिकाको स्वास्थ्य शाखामा । स्वास्थ्य शाखाका प्रमुख मीनबहादुर विष्टले स्थायी अनमीको ठाउँमा आफ्नै कान्छी श्रीमतीलाई कामकाजका लागि खटाएपछि कर्मचारी र स्थानियहरु आक्रोशित भएका छन् ।

Advertisement 1

स्थायी अनमी निलम कुमारी सज्याललाई फाजिलमा राखेर आफ्नो कान्छी श्रीमती भावना कुमारी थापालाई अनमी दरबन्दी भएको रकु स्वास्थ्य चौकीमा पदस्थापन गरिएको छ। २०७५ साल यता रकु स्वास्थ्य चौकी दरवन्दीमा कार्यरत अनमी निलम कुमारी सज्यालको ठाउँमा आफ्नो कान्छी श्रीमती थापालाई कामकाज गर्न लगाएको छ।

स्वास्थ्य तथा जनसङ्ख्या मन्त्रालयले फाजिलका कर्मचारीलाई तलब भत्ता नपठाएका कारणले श्रीमतीलाई हतार गरेर दरवन्दीमा पठाएको र दरवन्दीमा काम गरिरहेकी अनुमीलाई फाजिलमा पठाउने षडयन्त्र पूर्वक भइरहेको भन्दै अनमी सज्यालले आफू अदालत जाने बताए।

Advertisement 2

मिति २०७८ साल वैशाख २३ गते पत्र लेख्दै रकु स्वास्थ्य चौकी प्रमुख दिर्गवहादुर नेपालीले वैशाख २२ गते गाउँ कार्यपालिकाको निर्णय अनुसार भन्दै रकु स्वास्थ्य चौकीमा रिक्त रहेको अनमी पदमा पदस्थापन गरिएकाले निज मिति २०७८ वैशाख २३ गते वाट हाजिर भई कामकाज गर्नु भनिएको छ। तर अनमी सज्याल यो समयमा स्वास्थ्य चौकी रुकुमा कार्यरत रहेको हाजिर रजिष्टरले पनि पुष्टि गरेको छ।