पछिल्लो राजनीतिक घटनाक्रमका कारण हिजै पदबाट राजीनामा दिएका संष्कृति,पर्यटन मन्त्री योगेश भट्टराईलाई आज एक कार्यक्रम गरी मन्त्रालयबाट बिदाई गरिएको छ ।
मन्त्रालयमा आयोजित औपचारिक विदाई कार्यक्रममा बोल्दै मन्त्री योगेश भट्टराईले विघटन भएको संसद अदालतबाट पुनर्स्थापना हुने विश्वास व्यक्त गरेका छन् । उनले संवैधानिक अंगहरु स्वतन्त्र रहेको अवस्थामा संसद पुनर्स्थापना हुने विश्वास व्यक्त समेत गरे ।

Advertisement 1

लोकतान्त्रिक प्रकृयामा आघात पुगेका कारण आफुसहितका मन्त्रीहरुले सामूहिक राजीनामा दिएको उल्लेख गर्दै भने यसलाई ट्रयाकमा ल्याउन सकिन्छ भन्ने मलाई विश्वास छ यदि यो देशका संवैधानिक अंगहरु स्वतन्त्र छन्, विवेक पु¥याउँछन्, त्यहाँका मान्छेहरु ठिक छन् भने । शतप्रतिशत भन्दा पनि बढी विश्वासका साथ भन्छु संसद पुनर्स्थापना हुन्छ । मुलुकप्रति संविधानप्रति जवाफदेही छन् भने संसद पुनर्स्थापना हुन्छ, हुनुपर्छ । त्यो नै हाम्रो लोकतन्त्रको विजय हुन्छ । संविधानको रक्षा हुन्छ ।’’

उनले प्रधानमन्त्री केपी शर्मा ओलीले संसद विघटको प्रस्ताव गर्दा आफुहरुले रोक्ने धेरै प्रयास गरेपनि सम्भव नभएको बताए । प्रधानमन्त्री ओलीको कदम गैरसंवैधानिक रहेको उल्लेख गर्दै उनले भने, ‘‘संविधान पल्टाएर हेर्दा संवैधानिक नै छैन । कानून र संविधानको हिसाबले मेल खाँदैन । राजनीतिक हिसाबले राजनीतिक मुल्यलाई बोकेको छैन । जुनसुकै कारणले भएपनि यो अलोकतान्त्रिक नै हो । अन्य बाटोहरु पनि थिए । असंवैधानिक काम गर्न नपर्ने थियो, गर्नुभयो । दुःखी छौँ ।’’

Advertisement 2

भट्टराईको विदाइमा मन्त्रालयका सचिव यादव कोइरालाले नेपाली ढाका टोपीका साथै फुलगुच्छा र मायाको चिनो दिएका छन् । मन्त्रालयका अन्य कर्मचारी, युनियन कर्मचारी संघठनका पदाधिकारी लगायतका व्यक्तित्वहरुले समेत मन्त्री भट्टराईलाई स–सम्मान विदाइ गरेका छन् । पछिल्लो राजनीतिक घटनाक्रमपछि भट्टराईले हिजै मन्त्री पदबाट आफ्नो राजीनामा घोषणा गरेका थिए ।