वडाध्यक्ष र सचिवविरुद्ध भ्रष्टाचार मुद्दा दर्ता
जनकपुरधाम उपमहानगरपालिका–११ का वडाध्क्ष र वडासचिवविरुद्ध भ्रष्टाचार मुद्दा दायर भएको छ। अख्यितार दुरुपयोग अनुसन्धान आयोगले शुक्रबार वडाध्यक्ष अर्जुनकुमार चौधरी र सचिव माधवकुमार रायविरुद्ध भ्रष्टाचार मुद्दा दायर गरेको हो।
Advertisement 1
जग्गा दर्ता कायम गर्ने सर्जमिन मुचुल्काको रोहबरमा दस्तखत गर्न सेवाग्राहीसँग घुस माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगको कार्यालय, बर्दिवासबाट खटिई गएको टोलीले उनीहरुलाई ५० हजारु रूपैयाँ घुस लिएको अवस्थामा पक्राउ गरेको थियो ।
रंगेहात पक्राउ परेका दुवै जनालाई ५० हजार रुपैयाँ विगो कायम गरी विशेष अदालतमा मुद्दा दायर गरिएको अख्तियार दुरुपयोग अनुसन्धान आयोगका प्रवक्ता भोला दाहालले बताए । चौधरी र रायको आपसी योजना तथा मिलोमतोमा जग्गा दर्ता नामसारी गर्ने प्रक्रियामा सर्जमिन मुचुल्काको रोहवरमा सहिछाप गर्नको लागि सेवाग्राहीसँग ५० हजार घुसररिसवत माग गरी लिएको पुष्टि भएपछि मुद्दा दायर गरिएको अख्तियारको भनाइ छ।
