सरकारले न्यायाधीश र संवैधानिक निकायका पदाधिकारीहरूको तलब पारिश्रमिक तोकेको छ। कर्मचारीहरुको तलबवृद्धि भएको ६ महिनापछि सरकारले न्यायाधीशहरु र संवैधानिक पदाधिकारीहरुको पारिश्रमिक तोकेको छ ।

Advertisement 1

सर्वाेच्च अदालतका प्रधानन्यायधीश,न्यायधीशदेखि उच्च अदालतका मुख्य न्यायधीश,न्यायधीश,जिल्ला अदालतका न्यायधीश,न्यायपरिषद्का सदस्य,राष्ट्रिय योजना आयोगका उपाध्यक्ष र सदस्यहरुको तलब बढेको छ ।
यस्तै संवैद्यानिक निकाय अन्तरगत लोकसेवा आयोग,अख्तियार दुरुपयोग अनुसन्धान आयोग,मानव अधिकार आयोग,निर्वाचन आयोगका पदाधिकारीदेखि संघीय संसदका महासचिव,सचिव,राष्ट्रिय सूचना आयोगका प्रमुख सूचना आयुक्त र सूचना आयुक्तहरुको तलब सुविधा राजपत्रमा प्रकाशन भएको अर्थ सचिव तोयम रायाले जनाएका छन् ।

अब प्रधान न्यायाधीशले १ लाख २ हजार २९३ रुपैयाँ तलब सुबिधा पाउनेछन् भने सर्वाेच्चका न्यायाधीशहरूको तलब भने ८५ हजार ४३ रुपैयाँ पाउनेछन ।
यस्तै उच्च अदालतका मुख्य न्यायाधीशको तलब ८० हजार ७०७, न्यायाधीशको ७६ हजार ३८३ र जिल्ला न्यायाधीशको तलब ६४ हजार ८९५ रुपैयाँ तोकिएको छ।

Advertisement 2

त्यस्तै न्याय परिषदका सदस्यको तलब पनि न्यायाधीशकै सरह ८४ हजार ४३ रुपैयाँ तोकिएको छ। त्यस्तै संवैधानिक निकायका प्रमुख पदाधिकारीको ८० हजार ७०७ रुपैयाँ तोकिएको छ भने पदाधिकारीको ७६ हजार ३८३ रुपैयाँ तोकिएको छ।

त्यस्तै राष्ट्रिय आयोजना आयोगका उपाध्यक्षको ७९ हजार ३८३ र सदस्यको ७७ हजार ६६० तोकिएको छ। यता संघीय संसदको महासचिवको ७७ हजार २११ रुपैयाँ तोकिएको छ भने सचिवको ७२ हजार ८२ रुपैयाँ तोकिएको छ। त्यस्तै राष्ट्रिय सूचना आयोगका प्रमुख आयुक्तको ८० हजार ७०७ र आयुक्तको ७६ हजार ३८३ रुपैयाँ तोकिएको तोयम रायाले जानकारी दिए।