खोजी हुनुपर्ने हो बिग्रदो अर्थतन्त्र सुधार गर्ने व्यक्तिको तर विचौलियाको ध्यान छ, हतियारदेखि हेलिकोप्टरसम्म किन्न फाइल् उठाउने हिम्मती कर्मचारीको ।
नामुद बिचौलिया दीपक भट्ट अर्थ सचिवमा आफ्नो काममा कुनै अवरोध नगर्ने व्यक्ति खोजिरहेको अर्थ मन्त्रालयतिरै चर्चा चल्न थालेको छ । विशेष समितिले ‘क्लिन चिट’ दिएसँगै आइतबार जनार्दन शर्मा पुन अर्थमन्त्रालयमै फर्किएका छन् । त्यो दिन सचिव मधु मरासिनी पोखरातिर कुलेलम ठोकेका थिए,मन्त्रीलाई स्वागत गर्नुपर्ला भनेर ! जनार्दनलाई रिझाएर राजश्वबाट अर्थमा उक्लने ध्येयमा लागेका दोश्रा सचिव कृष्णहरि पुष्कर चाहिँ अस्ति आइतबार शीतल निवासममै प्रकट भए । त्यहाँ शपथ लिएलगतै अर्थमन्त्री शर्मालाई बधाई दिए,लगतै मन्त्रालयमा पुगेर मन्त्रीको स्वागतमा तैनाथ थिए । अहिले अर्थ सचिव खान कहिले खुमलटार त कहिले बालुवाटार धाइरहेका छन् उनी ।

Advertisement 1

जनार्दन शर्मा अर्थमै फर्कने टुंगो लागेसँगै सचिव मरासिनी पोखरातिर हानिएका थिए । अर्थ सचिव बन्ने चर्चामा छन् केवल भण्डारी,डा बैकुण्ठ अर्यालसम्म ।
यी दुई भाई अर्थमा जान नमाने खेलकुदबाट डा दामोदर रेग्मीलाई त्यता लगिने चर्चा छ । अर्थ ताक्नेमा हाल उद्योग सचिव अर्जुन प्रसाद पोखरेल छन् । कनिष्ठ सचिव भएका कारण तत्कालै पुष्करलाई राजश्वबाट नचलाइने अर्थमन्त्री निकट स्रोतले जनाएको छ । सम्भवत बिहिबार बस्ने क्याविनेटले झण्डै आधा दर्जन सचिवहरुलाई यता उता पार्ने सम्भवना रहेको छ भनिँदैछ । जस्मा मुख्य सचिवका क्लासमेट मधु मरासिनी अर्थबाट प्रधानमन्त्री तथा मन्त्रिपरिषद् कार्यालयमा पु¥याएर अहिले लक्ष्मण अर्यालले सम्हालेको प्रशासन तथा नतिजा व्यवस्थापनको जिम्मेवारी दिइने तयारी चल्दैछ ।

अर्याल आजैदेखि अनिवार्य अवकाशमा जाँदैछन् । प्रधानमन्त्री कार्यालयले अर्थमन्त्री जनार्दन शर्मालाई ‘क्रसचेक’ गर्नसक्ने र आपm्नो अनुकुलको सचिवको खोजी गरिरहँदा अर्थमन्त्री शर्मा भने वालुवाटारको चाहना अनुसारको नभइ अरु नै सचिवको खोजीमा छन् । वालुवाटार निकटकै सचिव राखिए फेरि दुख पाइनेमा अर्थमन्त्री संशकित हुन पुगेको उनी निकट स्रोतको भनाई छ तर दुख कस्तो भने उच्च तहमा अर्थतन्त्र बुझेका माओवादी निकटका प्रशासकको खडेरी छ ।

Advertisement 2

यता मरासिनीसहित झण्डै आधा दर्जन सचिवहरु हेरफेर हुने क्रममा छन् । लक्ष्मण अर्याल,महेश्वर न्यौपाने अनिवार्य अवकाश लागेर घर फर्किएका र उपराष्ट्रपति कार्यालयका सचिव रामकृष्ण सुवेदी शिक्षामा पुगेसँगै चार सचिव पद रिक्त छ । उपराष्ट्रपति कार्यालय त सचिवहरुको रोजाईमा पर्ने कुरै भएन । अर्थमा जाने सचिव कोही तयार नहुँदा उता पर्यटन ताक्ने सचिवको चाहिँ संख्या आधा दर्जन भन्दा बढी छ । उपराष्ट्रपति कार्यालयमा सरुवा हुन चाहने सचिव कोही देखिएका छैनन् ।

नाताले प्रमुख निर्वाचन आयुक्त दिनेश थपलियाका फुफुको छोरा तथा हाल सामान्य प्रशासनका सचिव सुरेश अधिकारी पर्यटन जान लबिङ तिव्र पारेका छन् । यस्का अलवा जागिरे जीवनको लामो समय पर्यटनमै बिताएका सुरेश अचार्य प्रधानमन्त्री तथा मन्त्रिपरिषद् कार्यालयबाट त्यता जाने इच्छा जाहेर गरिरहेका छन् । प्रशासनका कर्मचारीको बोलबोला रहेको ठाउँमा अचार्यजस्ता प्राविधिक कर्मचारीले इच्छा जाहेर गरेर मात्र हुने कुरा होइन ।

वालुवाटारदेखि शक्तिकेन्द्रहरु दाहिने भएका मुकुन्द निरौला,सूर्यमणि गौतम,रामेश्वर दंगालसमेत जीवनराम श्रेष्ठले सम्हालेको मन्त्रालयमा ताक्नेमा छन् । काँग्रेस निकटका निरौला पर्यटन नभए उद्योग ताकिरहेका छन् । उनले आफूलाई बाग्मती प्रदेशबाट संघीय मन्त्रालयमा लैजान कांग्रेसी नेताहरुसँग अनुनय विनय गरिरहेका छन् । मुख्यसचिव रेग्मीले भेगीय हिसाबले काम गरे आफ्नै गृहजिल्लाबासी डिल्लीराम शर्मालाई पर्यटनमा पठाउन सक्ने आँकलन पनि हुन थालेको छ । महिना दिन अघि बढुवा भएका डा. गोपी खनाल रौतहटजिल्ला बासी भएको नाता लगाउँदै कल्याणी खड्कामार्फत पर्यटनमा जान लबिङमा छन् ।

पर्यटन आउन खोज्नेमा हालसालै बढुवा भएका सचिव डा गोपी खनालदेखि लुम्बिनी प्रदेशका प्रमुख सचिव डिल्लीराम शर्मा, सुदूरपश्चिम प्रदेशका रामेश्वर दंगाल र बागमती प्रदेशका मुकुन्द निरौलाले चाहना आ–आफ्नो ठाउँबाट पहल गरिरहेका छन् । निरौला मतपत्र हातमा लिए पछि रुख बाहेक अरु नदेख्ने कर्मचारीका रुपमा चिनिएका छन् । उनले आफूलाई बाग्मतीबाट संघीय मन्त्रालयमा ल्याइदिन अनुरोध गरिरहेका छन् । लुम्बिनीका प्रमुख सचिव शर्मा मुख्यसचिव शंकरदास बैरागीका जिल्लाबासी भएका कारण पर्यटनमा उनलाई तानिन्छ भन्नेहरु पनि छन् । उता स्वास्थ्य तथा जनसंख्या मन्त्रालयमा कार्यरत सचिव देवकुमारी गुरागाईलाई प्रधानमन्त्री तथा मन्त्रिपरिषद्को कार्यालयमा पठाएर त्यहाँ पुग्नका लागि सूर्यप्रसाद गौतमदेखि रामप्रसाद घिमिरेहरुसम्मले जोडबल गरिरहेका छन् ।