Advertisement 1

कर्मचारी सरुवामा मोलमोलाई र चलखेल हुने गरेको गुनासो तिव्र भएसँगै संघीय मामिला तथा सामान्य प्रशासन मन्त्री अमनलाल मोदीले तीन जना कर्मचारीको सरुवा गरेका छन् ।

मन्त्रीको सचिवालयमा रहेका दुई र कर्मचारी प्रशासन फाँट हेर्दै आएका सहसचिव सरुवामा परेका हुन ।संघीय मामिला तथा सामान्य प्रशासन मन्त्रालयका अनुसार कर्मचारी प्रशासन फाँटबाट कमल भट्टराईलाई हटाएर त्यहाँ हेमराज तामाङलाई भित्राइएको छ ।
यस्तै,मन्त्रीको सचिवालयमा रहेर काम गर्दै आएका निजी सचिवालयका अधिकृत नागमणि पटेल र नायव सुब्बा विष्णु लामिछाने पनि हटाइएका छन् । सचिवालयमा अब कर्मचारीतर्फ उपसचिव ज्ञाननाथ ढकालमात्र बाँकी छन् ।
मन्त्री अमनलाल मोदीले सचिवका रुपमा त्यहाँ कृष्णहरि पुष्करलाई भित्राएका थिए । उनी कृष्णहरिको प्रतापले कमल भट्टराईलाई अर्थबाट सामान्य प्रशासनमा लगेर त्यहाँको भन्सार मानिने कर्मचारी प्रशासनको हर्ताकर्ता र प्रवक्तासमेतको जिम्मेवारी दिइएको थियो ।

Advertisement 2

कमल यस अघि भन्सारको महानिर्देशक हुँदा गरेको बदमासीहरु अहिले छरपष्ट हुन थालेका छन् । सचिव कृष्णहरि पुष्करका प्रतापले भन्सारबाट संघीय मामिला तथा सामान्य प्रशासनको कर्मचारी फाँट हेर्ने गरी हर्ताकता बनाएर लगिएका तत्कालीन महानिर्देशक कमल भट्टराईले त्यहाँका हाकिम हुँदा भन्सार कार्यालयहरुमा दरबन्दी नै नभएपनि ५० जना कर्मचारीहरुलाई जबर्जस्ती फाजिलमा पठाएको विवरण इकर्मचारी डटकमसँग सुरक्षित छ । एउटा विभागमा हुँदा समेत कर्मचारी सरुवामा यसरी बदमासी गर्ने व्यक्ति अहिले समग्र कर्मचारी सरुवा गर्ने निकायको हर्ताकर्ता बनाइएपछि मन्त्री अमनलाल मोदीको कर्मचारी प्रशासन सुधार गर्ने हुटहुटी पानीको फोकाझैं हुने प्रशासनविदहरुले चिन्ता प्रकट गरेका छन् ।

यही महाशाखाले देशभरका निजामती कर्मचारीको सरुवामा निर्णायक भूमिकामा छन् । सामान्यको कर्मचारी प्रशासन भनेको मुलुकका कर्मचारी सरुवा गर्ने तालुकदार निकाय हो । यस्तो निकायमा बदनाम कर्मचारीहरुलाई लगेर थुपार्दा कर्मचारी सरुवामा हुने एक पछि अर्काे बदमासी छरपष्ट हुँदै आएको थियो । अहिले मन्त्री मोदीले कमललाई त्यहाँबाट हटाएका हुन ।