संघीय मामिला तथा सामान्य प्रशासन मन्त्रालय मन्त्रालयले खटाएका झण्डै साढे दुई दर्जन प्रमुख प्रशासकीय अधिकृतहरुलाई स्थानीय तहहरूले हाजिर नगराई फर्काइदिएसँगै मन्त्रालयले एक्सन लिएको छ ।
महिना दिन अघि नै  गत फागुन ३ र फागुन १६ गते सामान्यले खटन पटन गरेकामध्ये साढे दुई दर्जन उपसचिव तहका प्रमुख प्रशासकीय अधिकृत विभिन्न स्थानीय तहमा पहिलो पोस्टिङ गरेको थियो । तिनैमध्येका एक हुन मोहन घिमिरे,जो रौतहटको गौर नगरपालिकामा खटाइएका थिए । त्यहाँबाट हाजिरै गर्न नदिई संघीयमै फर्काइए । यस्तै मोरङको रतुवामाई नगरपालिकामा खटाइएका नारायण न्यौपाने उसैगरी फिर्ता पठाइनेमा परे । सामान्यका अनुसार अहिले ३० भन्दा बढी प्रमुख प्रशासकीय त्यसरी फिर्ता भएका छन् ।
सामान्यले खटन पटन गरेका साढे दुई दर्जन उपसचिव तहका प्रमुख प्रशासकीय अधिकृतलाई सम्बन्धित नगरपालिका र गाउँपालिकाका लागि खटाएका प्रमुख प्रशासकीय अधिकृतहरूलाई हाजिरै गर्न नदिई फर्काउने सिलसिला बढ्दै गएपछि सामान्यले ती स्थानीय तहलाई सात दिनभित्र हाजिर गराउन निर्देशन दिएको छ ।

Advertisement 1

मन्त्री अमन लाल मोदीले शुक्रबार मन्त्रीस्तरीय निर्णय गरेका हुन् । मन्त्री मोदीको निर्णयअनुसार हाजिर नगराएका स्थानीय तहलाई मन्त्रालयले शुक्रबार नै परिपत्र गरिसकेको छ ।

मन्त्रालयले मन्त्रालयबाट खटाइएका नयाँ प्रमुख प्रशासकीय अधिकृतबाट मात्र सम्बन्धित नगरपालिकारगाउँपालिकाको खाता सञ्चालनको व्यवस्था मिलाउनका लागि कोष तथा लेखा नियन्त्रण कार्यालयलाई समेत परिपत्र गरेको छ ।