निजामती कर्मचारी भर्ना,पदपूर्ति र कर्मचारी समायोजनसम्बन्धी मुद्धाको सुनुवाई आजका लागि पेशी चढेको छ । लोकसेवा आयोगलाई विपक्षी बनाएर दायर गरिएका २४ थान रिटलाई एकै ठाउँमा राखेर सुनुवाई प्रारम्भ भए पनि अघिल्लो पुस २९ गते सुनुवाई नसकिए पछि हेर्दा हेर्दैमा राखिएको हो सो मुद्धा आज पनि पेशीमा चढेको छ ।

Advertisement 1

सर्वोच्चका हिजो बसेको फुलकोर्टको बैठकले आजदेखि आगामी १८ माघसम्मलाई सेवा कटौती गर्ने निर्णय गरेको थियो ।
हिजो सर्वाेच्चको पूर्ण इजलाशले आजदेखि आगामी १८ माघसम्म बन्दीप्रत्यक्षीकरण,मुद्धा फिर्ता तामेली एवम मिलापत्रसम्बन्धी कामबारवाही यस अघि हेर्दा हेर्दै वा निसुमा रहेका मुद्धाहरुको मात्र सुनुवाई हुने जनाइएको छ ।
सोही निर्णय अनुसार अघिल्लो साता हेर्दा हेर्र्दैमा परेको कर्मचारी समायोजन र लोकसेवा आयोगसँग सम्बन्धी दुई दर्जन मुद्धा सुनुवाईका लागि आज पनि पेशीमा चढेको छ ।

विगत चार महिनादेखि पेशी सारिदैं आएको सो मुद्धा आज सर्वोच्च अदालतको पूर्ण इजलाशमा राखेर आज पनि सुनुवाई हुनेछ । आजका सुनुवाईका लागि न्यायधीशहरु आनन्दमोहन भट्टराई, सपना प्रधान मल्ल,नहकुल सुवेदीको पूर्ण इजलाशमा राखिएको छ । आज १३ नम्बरको बेञ्चको पूर्ण इजलामा सो मुद्धाको सुनुवाई हुने छ ।

Advertisement 2

शिवहरी दाहाल,अनमोल भट्टराई ,इन्द्र कमल शिवाकोटी,रजिया चौधरी,दिनेश कुमार मण्डल,नविन गौतम लगायतले दायर गरेको सो मुद्धाको पटक पटक पेशी सारिँदा कर्मचारीको वृत्ति विकासमा गम्भीर समस्या परिरहेको थियो ।