मन्त्रिपरिषद् बैठकः सुमनराज अर्याल सचिवमा बढुवा, दुई डिआइजीको पदावधि थप
गत सोमबार बसेको मन्त्रिपरिषद्को बैठकले राष्ट्रिय बीमा समितिको अध्यक्षमा पूर्व सचिव सूर्य प्रसाद सिलवाललाई नियुक्त गरेको छ । सिलवाल गृहसचिव समेत भएका थिए ।
यस्तै सहसचिव सुमनराज अर्याललाई सचिवमा बढुवा गरेको छ । अर्याल राष्ट्रिय योजना आयोगमा कार्यरत छन् । लोक सेवा आयोगका अध्यक्ष उमेश मैनालीको संयोजकत्वमा बसेको बढुवा समितिको बैठकले प्रशासन समूहको रिक्त सचिवमा बढुवा गर्न सहसचिवत्रय सुमनराज अर्याल, मुकुन्द पौड्याल र दामोदर रेग्मीको नाम सिफारिस गरेको थियो ।
Advertisement 1
त्यस्तै सशस्त्र प्रहरी बलका दुई डिआईजीको पदावधि एक वर्ष थप गरेको छ । डिआईजीद्वय खड्ग राई र मन्दिप श्रेष्ठको पदावधि थप भएको हो । सशस्त्र प्रहरीका डिआइजीको पदावधि चार वर्ष हुने र महानिरीक्षकको सिफारिसमा एक वर्ष थप्न सकिने प्रावधान छ । उनीहरुको पदावधि यही महिनाको अन्तिममा सकिदै थियो ।
प्रकाशित :२०७७ माघ २१, बुधबार ०७:३२
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
