सरकारले विश्वासको मत लिए लगतै सचिवहरुको हेरफेर गर्ने तयारी थालेको छ । यही २६ गते प्रधानमन्त्री प्रचण्डले विश्वासको मत लिँदैछन् । त्यस लगतै केही सचिवहरु सरुवा गर्ने सरकारको तयारी छ ।

Advertisement 1

सबैभन्दा शक्तिशाली मानिएको गृह र अर्थसहितका केही मन्त्रालयका सचिवहरु हेरफेरमा गर्ने गरी मन्त्रीहरुले छलफल चलाइरहेका छन् ।

सचिवमा बढुवा भएपछि तत्कालीन प्रधानमन्त्री पत्नी आरजु राणाको आर्शिवादबाट प्रदेशमा खटिन नपरेका र एकै पटक शक्तिशाली मन्त्रालय पाएका कृष्णहरि पुष्करसहित अर्थका सहसचिव,उपसचिव सहितको टिम नै परिवर्तन गर्ने सोचमा अर्थमन्त्री विष्णु पौडेल रहेका उनी निकट स्रोतले जनाएको छ ।

Advertisement 2

पुष्करको ठाउँमा रामेश्वर दंगालदेखि डा वैकुण्ठ अर्याल,तोयम रायमध्येबाट कुनै सचिव अर्थमा भित्रिन सक्ने आँकलन गरिएको छ ।
पुष्करले चाहिँ अर्थमै टिकिरहने, नभए गृहका लागि दौड तिव्र पारेका छन् । उनले बैदेशिक रोजगार विभागको महानिर्देशक हुँदै आफूले रवि लामिछानेलाई चिनेको भन्दै उनी गृहमा सरुवा हुन खोजिरहेका छन् ।
गृह ताक्नेमा संघीय मामिला तथा सामान्य सचिव अर्जुन पोखरेल,राष्ट्रपति कार्यालयका सचिव यादव कोइरालादेखि प्रधानमन्त्री तथा मन्त्रिपरिषद्को कार्यालयमा जगेडामा रहेका रामप्रसाद थपलिया समेत रहेका छन् ।
तर,अबको पाँच सात महिनामै यादव कोइराला,रामप्रसाद थपलियादेखि डा बैकुण्ठ अर्यालसम्म उमेर हद लागेर घर फर्कन पर्ने हुँदा उनीहरुले रोजाइको मन्त्रालय पाउँछन् वा पाउँदैनन् हेर्न बाँकी छ ।