सिहदरबार देशकै सबैभन्दा बढी सुरक्षित स्थान मानिन्छ । तर, शुक्रवार त्यही सिंहरदरबारबाट सरकारी गाडी चोरी भएको छ । हिजो अपरान्ह संस्कृति, पर्यटन तथा नागरिक उड्डयन मन्त्रालयको पार्किङबाट एउटा सरकारी गाडी नाटकीय शैलीमा चोरी भएको हो ।

Advertisement 1

सिंहदरबारस्थित संष्कृति पर्यटन तथा नागरिक उड्यन मन्त्रालयको पार्किङबाट बा २ झ ३०५३ नम्बरको पिक अप गाडी चोरी भएको जनाइएको छ ।

सो गाडी बृहत्तर जनकपुर क्षेत्र विकास परिषद्को गाडी हो । गाडी परिषद्का अध्यक्ष शीतल साह चढ्दै आएका थिए । उनी मन्त्रालयका सचिवसँग छलफलमा रहेकै समयमा गाडी चोरी भएको जनाइएको छ ।

Advertisement 2

परिषद्का पूर्व अध्यक्ष शालिकराम सिंहले चालक धनीराम मन्डलसँग साँचो थुतेर गाडी लगेका हुन । चालक मन्डललाई प्रहरीले पक्राउ गरी अनुसन्धान अघि बढाएको छ ।