सरकारी कर्मचारी हुँ भन्दै ठगी धन्दा चलाउँदै आएका एक व्यक्ति प्रहरीको फन्दामा परेका छन् । निजामती कर्मचारीको पोशाक लगाएर जिल्ला प्रशासन कार्यालयको प्रशासकीय अधिकृत बताउँदै ठगी धन्दा चलाउँदै आएका एक ठग प्रहरीको फन्दामा परेका हुन् ।

Advertisement 1

निजामती कर्मचारीको पोशाक लगाएर जिल्ला प्रशासन कार्यालय जस्तो गरिमामय संस्थाको नाम र लोगो दुरुपयोग गरि ठगी गरेको भन्दै प्रहरीले बुध्दिमान परियारलाई पक्राउ हो ।
परियारले आफूलाई जिल्ला प्रशासन कार्यालय बागलुङको प्रशासकीय अधिकृत बताउँदै ठगी धन्दा चलाउँदै आएका थिए । आफूलाई सिडियो कार्यालयको प्रशासकीय अधिकृत बताउँदै ठगिरहेका गोरखाको शहीद लखन गाउँपालिका–४ का बुध्दिमान परियारलाई पक्राउ गरिएको जिल्ला प्रहरी कार्यालय बागलुङले जनाएको छ ।

उनले आफूलाई आकाशचन्द्र परियार बताउँदै सोही नाम लेखिएको प्रशासकीय अधिकृतको रबर छाप प्रयोग गरेका छन् । परियार बस्दै आएको होटलको कोठामा खानतलासी गर्दा विभिन्न सरकारी कार्यालयका छाप,दस्तखत भएका पत्रहरू,ल्यापटप,पेनड्राइभ र ६३ हजार रुपैयाँ फेला परेको छ ।

Advertisement 2

यस अघि यस्तै धन्दामा संग्लग्न एक ठग काठमाडौंमा पक्राउ परेका थिए । आफूलाई उपराष्ट्रपति कार्यालयको शाखा अधिकृत हु्ँ भन्दै ठगी धन्दा चलाउँदै आएका कुशल भट्ट प्रहरीको फन्दामा परेका थिए ।
उनलाई प्रहरीले यस अघि यस्तै धन्दा चलाएको फेला परेपछि पक्राउ गरी ३० हजार धरौटी र एक बर्ष कैद तिराएर छोडेका थिए ।

व्यक्तिलाई सामाजिक सञ्जालमार्फत् चिनजान गरि साथी बनाउँदै आफू परराष्ट्र मन्त्रालयको सहसचिव समेत हुँ भनि विश्वासमा पारी ठगी गर्दै आएको तथ्य खुलेको थियो । सोह्री अभियोगमा ३० हजार धरौटी र १ बर्ष कैद सजाय भुक्तमान गरेर छुटेका उनले पूरानो धन्दा फेरि चलाएको भेटिएको थियो ।

डोटीको केआईसिंह गाउँपालिका वडा नं ६ स्थायी घर भएका भट्टलेझैं परियारले समेत ठगी धन्दा चलाएको भेटिएपछि उनलाई हिजो जिल्ला अदालत बागलुङमा उपस्थित गराएर अनुसन्धानको निम्ति ७ दिनको म्याद थप गरिएको छ ।