निजामती कर्मचारीभित्र पनि बालेन ?
दलहरू समर्थित ट्रेड युनियनको नेता हुन खोज्नेहरूका भीडमा दलै बिनाको स्वतन्त्र ट्रेड युनियन दर्ता गर्न एक जना सुब्बा कस्सिएका छन् । उनले श्रम विभागमा गएर स्वतन्त्र ट्रेड युनियन नामक संस्था दर्ता गर्न निवेदन दर्ता गर्नुका साथै दिनहुँ धर्नासमेत दिने गरेका छन् ।
Advertisement 1
यस्ता सुरो एकलकाँटे नेता हुन् पशुपति पोखरेल ‘पपे’ । उनी शहरी विकास मन्त्रालयको प्रशासन फाँटतर्फ सुब्बा पदमा कार्यरत छन् । राष्ट्रिय स्तरको ट्रेड युनियन दर्ता गर्दा कम्तीमा २० जिल्लामा संगठन विस्तार भएको हुनुपर्ने र ५ हजार कर्मचारीले सदस्यता लिएकै हुनुपर्ने प्रावधान छ ।
पोखरेलले ५ हजार कर्मचारीले हस्ताक्षर गरेको कागजात पेश गर्दा । तैपनि उनी नेतृत्वको युनियन दर्ता हुन सकेको छैन । उनले पेस गरेको कागजातमा हस्ताक्षर गरेका कर्मचारीले एउटा अनुसूची फाराम भर्नुपर्ने र कार्यालयमा कार्यरत कर्मचारी हुन् भनी हाकिमले प्रमाणित गर्नुपर्ने भएपछि स्वतन्त्र कर्मचारी टे«ेड युनियन त्यत्तिकै थान्को लाग्ने अवस्थामा पुगेको हो । फाराम भर्न नसक्ने अवस्थामा पुगेपछि पोखरेलले आफ्नो संगठन छुट्टै खाले भएको, प्रक्रिया र अनुसूची फाराम नै गलत भएको, तालुकदार कार्यालयका प्रमुख अन्य दलको ट्रेड युनियनसँग आबद्ध रहेकाले स्वतन्त्र युनियन दर्ता गर्न नमानेको आरोप लगाउँदै हिँडेको बताइन्छ ।
Advertisement 2
उनी युनियन दर्ता गर्न एक्लै जान्छन् र बेस्सरी गुनासो राख्दै ‘म कर्मचारीभित्रको बालेन साह हुँ’ भन्न पछि पर्दैनन् । दले र झोलेले निजामती सेवा ध्वस्त पारेको आरोपसमेत लगाउने गरेका छन् ।
हाल क्रियाशिल दलगत ट्रेड युनियनले कर्मचारीकाे हित भन्दा पनि दलकाे झाेला बाेक्ने र आफन्त पाेस्ने र कमाउ धन्दामा लागेकाले देशभरीका सचेत युवा कर्मचारीहरूले कर्मचारी स्वतन्त्र कर्मचारी अभियानका रुपमा स्वतस्पुर्त रुपमा संगठित भई पशुपति पाेखरेलकाे नेतृत्वमा स्वतन्त्र कर्मचारी संगठन दर्ता प्रक्रियामा गएका बताइन्छ । अहिले स्वतन्त्र भनिएको कर्मचारी संगठनसँग देशभरका झण्डै २० हजार राष्ट्रसेवक आवद्ध रहेको दावा गरिएको छ ।
Advertisement 3
कानूनी प्रक्रिया पुर्याएर दर्ताका लागि पेश गरेकाे भए पनि अनेक बहाना देखाई उक्त निकायका कर्मचारीले दर्ता प्रक्रिया राेकेकाे अवस्था छ ।
