अख्तियार दुरुपयोग अनुसन्धान आयोगले डिल्लीबजार मालपोत कार्यालयका एक जना कर्मचारीलाई रंगेहात पक्राउ गरेको छ । आयोगले  डिल्लीबजार मालपोतका पाँचौ तहका कार्यालय सहयोगी होमनाथ खतिवडालाई पाँच हजार रुपैया घुससहित पक्राउ गरेको हो ।

Advertisement 1

मोही लगत कट्टा गर्न उनले घुस मागेको उजुरीको आधारमा अख्तियारको टोलीले उनलाई पक्राउ गरेको हो । घुस लिएलगत्तै कार्यालय परिसरबाटै उनी पक्राउ परेका हुन् ।
अख्तियारका अनुसार उनलाई खानतलासी गर्दा ३ लाख १८ हजार ६०० नगद र ७ लाख ५० हजार चेकसहित कार्यालय परिसरबाट नियन्त्रणमा लिई थप अनुसन्धान भइरहेको अख्तियारले जनाएको छ ।

Advertisement 2

उनको साथबाट नगद र चेक गरी थप दश लाख ६८ हजार रकम भेटिएको अख्तियारले जनाएको छ ।