सरकारले ल्याएको नयाँ असकमान तलबमानको विरोध तथा संघीय निजामती सेवा ऐन जारी गर्न दबाब दिने उदेश्यले आज देशभरका नासु तहका कर्मचारीहरु बिदामा बस्ने भएका छन् ।

Advertisement 1

सरकारले हालैमात्र उच्च तहका कर्मचारीहरुको तलबमानमा २० देखि २६ प्रतिशतसम्मले बृद्धि गर्न निर्णय गरेको थियो । एउटै तहबीच समानता कायम गर्न भन्दै असमान तलबमानलाई समान पारिएको बताइए खरिदार र नासु तहका कर्मचारीहरुको तलब बृद्धि नगरिए पछि उनीहरु हिजैमात्र पेन डाउन गरेका थिए । अर्थ मन्त्रालयले बजेट घोषणाविपरीत उच्च तहको कर्मचारीहरूको मात्र तलब वृद्धि गरेको भन्दै तल्लो तहका कर्मचारी आन्दोलित भएका हुन् ।
संसद सेवाका ४३ जना उपसचिवहरुले संसदको श्रम तथा उद्योगसमितिलाई मर्यादाक्रम अनुसार तलबमान नभएका कारण तलबमान मर्यादाक्रम अनुसार मिलाउन माग राख्दै निवेदन दिएका थिए । उक्त निवेदन दिएको पाँच दिन पछि नै समितिले सरकारलाई मर्यादाक्रम अनुसार तलब मिलाउन निर्देशन दिएको थियो ।
समितिको निर्देशन अनुसार नयाँ तलबमान सार्वजनिक भएसँगै खरिदार र नासु तहका कर्मचारीहरु आन्दोलित भएका हुन । उनीहरुले आज देशभरीका नासुहरु बिदामा बस्ने जनाएका छन् ।

यस्तै आगामी २४ गते पुन भेला भएर आन्दोलनको थप कार्यक्रम तय गर्न जनाइएको छ । निजामती सेवामा राजपत्र अनकित कर्मचारी संरक्षण अभियानको अग्रसरतामा आन्दोलनको कार्यक्रम अगाडि बढाइएको हो ।

Advertisement 2