कित्ता काटमा गम्भीर बदमासी गरेर रकम हिनामिना गरेको खबर इकर्मचारी डटकमले सार्वजनिक गरेसँगै नापी अधिकृत विदा स्वीकृत गराएर बसेका छन् ।
खबर हो,भक्तपुरस्थित नापी कार्यालयको ।

Advertisement 1

गत १ पुसमा इकर्मचारी डटकमले भक्तपुर नापीमा पाइलैपिच्छे बदमासी,कहिले पर्दछ विभाग र अख्तियारको आँखा ? शीर्षकमा समाचार प्रकाशन गरेको थियो ।
यो समाचार प्रकाशन भएसँगै सो कार्यालयमा कार्यरत प्रमुख नापी अधिकृत प्रविण प्रताप शाह हाकिमसँग बिदा स्वीकृत गराएर हिडेका हुन । समाचार स्रोतका अनुसार उनले १५ दिनका लागि बिदा मागेका थिए तर कार्यालय प्रमुख डा प्रदिप सापकोटाले आफूले १५ दिनको बिदा स्वीकृत गराउन नसक्ने,१५ दिन बिदा चाहिने हो भने विभागमा भन्नु भन्ने जबाफ फर्काएका थिए । र,साता दिनको बिदा स्वीकृत गराएर उनी हिडेका छन् ।

भक्तपुर नापी कार्यालयका डा प्रदिप सापकोटा,प्रविण प्रताप शाहका अलवा सर्भेक्षक राकेस यादब र उपेन्द्र कुमार चौधरीहरुकै मिलेमतोमा कित्ताकाटीमा बदमासी भएको खबर इकर्मचारी डटकमले सार्वजनिक गरेको थियो ।

Advertisement 2

आनाकै २२ देखि २५ लाख हाराहारी मूल्य रहेको झौखेलको एउटा जग्गा कित्ताकाट गर्दा उनीहरुको टोलीले यस प्रकारको बदमासी गरेका थिए । देशका अधिकांश नापी कार्यालय नेलिस सिष्टममा गएका छन् तर उपत्यकाकै भक्तपुर नापी कार्यालयमा जग्गा नापी गर्दा पूरानो सिष्टमबाटै अपडेट गर्दै कर्मचारीहरुले गडबडी गर्दै आइरहेको खुलासा इकर्मचारी डटकमले गरेसँगै विभागदेखि मन्त्रालयसम्म हलचल मच्चिएको छ ।

जागिरे जीवनको अधिकांश समय चल्तीका नापी कार्यालयहरु वेलवारी,विराटनगर लगायतका मालदार कार्यालयमा बसेर आएका शाह अलिहे सबैभन्दा बढी जग्गाको कारोवार भइरहेको भक्तपुर नापीमा पुगेका थिए,सेटिङ मिलाएर । यस अघि भक्तपुर नापीमा बसेर आमूल परिवर्तनको प्रयत्न गरेका रामकुमार सापकोटालाई बर्ष दिन नपुग्दै त्यहाँबाट हटाएर नापी विभागले डा प्रदिप सापकोटालाई सो कार्यालयको प्रमुखको जिम्मेवारी दिएर खटाएको थियो ।

तर यही टोलीले नेपाल सरकारले उपलव्ध गराएको नेलिस सिष्टमबाट काम नगरी पूरानै जिआइए सिष्टमबाट जग्गाको कित्ताकाट गरी बदमासी गर्दै आइरहेका छन् ।
त्यसकै एउटा उदाहरण हो साबिक झौखेल गाबिस वडा न ८झ कित्ता नम्बर २६ दर्ताफारि । उक्त जग्गा कित्ता टायल चेक गर्दा २ आना जग्गा नक्सा अनुसार घट्ने थाहा हुँदा हुँदै स्मार्ट सिटीको मापदण्ड पुर्याउन हालै मात्र अर्थात गत मंसिर १५ गते दर्ताफारी शिर्षकमा कित्ताकाट गरि नापी बाट पठाएको र मालपोतमा पनि मोलमोलाइ भई १ हप्ता पछि सो लिखत पास भएको प्रमाण इकर्मचारी डटकमसँग सुरक्षित छ ।

यसरी एक कित्तामात्र गडबड गर्दा झण्डै २५ लाख रकम झ्वाम पार्न पाइने भएसँगै कर्मचारीहरुले त्यहाँ बसेर गडबडी गर्दै आएका छन् । यही प्रकरण सार्वजनिक भएसँगै प्रमुख नापी अधिकृत बिदा स्वीकृत गराएर हिडेका हुन ।

उपत्यका बिकास प्राधिकरणले स्मार्ट सिटिको मापदण्ड ८ आना हुँदाहुदै वडा बाट पैसा खुवाई कित्ताकाटको सिफारिस ल्याउन लगाई पर कित्ता १ लाख देखि २ लाखसम्म पैसा लिई स्मार्ट सिटिको मापदण्ड नपुर्याई कित्ताकाट गर्ने गरेको यस्ता धेरै उदाहरण नापी कार्यालय भक्तपुरको प्लटबुक पल्टाउदा थाहा हुने कर्मचारीहरु नै बताउँछ ।