सरकारले आर्थिक बर्ष ०७९/ ८० को बजेट आज आइतबार सार्वजनिक गर्दैछ । बजेट के कस्तो आउला ? र कर्मचारीहरुको सेवा सुविधा के कति बढाइला ? यो कर्मचारी वृत्तमा आमा चासोका साथ हेरिएको बिषय हो । आगामी आर्थिक बर्षको बजेटमा कर्मचारीहरुको तलब बढाउनका लागि प्रस्ताव गरिएको छ । बजेटको तयारी अन्तिम समयमा आइपुग्दा कर्मचारीहरुको तलब बढाउने जिम्मेवारी मुख्यसचिव शंकरदास बैरागीको काँधमा पुगेको छ ।

Advertisement 1

ज्येष्ठ नागरिक, कर्मचारी, उद्योगी-व्यवसायी, कृषक र युवालाई लक्षित गरी तलब-भत्ता वृद्धि, कर छुट, राहत, अनुदान लगायतका कार्यक्रम बजेटमा समेटिने स्रोतले बतायो ।कर्मचारीको तलब सामान्य बढाउने र वृद्धभत्ता पाउने उमेर पनि घटाउने गरी बजेट तयार पारेको स्रोतको दाबी छ । कर्मचारीले तलब वृद्धिका लागि प्रधानमन्त्री र अर्थमन्त्रीलाई दबाब दिँदै आएका छन् । ‘अहिले स्रोतमा चाप छ, यद्यपि बढ्दो मूल्यवृद्धिलाई समेत ध्यानमा राखेर तलब बढाउनैपर्ने दबाबमा अर्थमन्त्री पर्नुभएको छ,’ स्रोतले भन्यो, ‘ठूलो मात्रामा तलब नबढ्ला, तर सामान्य स्केल अर्थात् १५–२० प्रतिशतसम्म वृद्धि हुने सम्भावना छ ।’

६८ वर्ष उमेर पूरा भएकालाई वृद्ध भत्ता दिने गरी तयारी भएको छ । यसअघिनै प्रधानमन्त्री शेरबहादुर देउवाले वृद्धभत्ता पाउने उमेरलाई ७० वर्षबाट घटाएर ६५ वर्ष बनाउने भनेका थिए।

Advertisement 2

यद्यपि, यसको विरोध भएपछि यो उमेर ६८ वर्ष कायम गर्न लागिएको स्रोतले बतायो।